Рададэндран

Рададэ́ндран^[1] (Rhododendron), Ружанéчнiк — род кветкавых раслін сямейства верасовых.

Рададэндран
Рададэндран жоўты (Rhododendron luteum) (Турцыя)
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Верасакветныя Сямейства:  Верасовыя Род:  Рададэндран
Міжнародная навуковая назва
Rhododendron L., 1753
Тыпавы від
Rhododendron ferrugineum L., 1753
Сістэматыка на Віківідах Выявы на Вікісховішчы ITIS   23700 NCBI   4346 EOL   38343 GRIN   g:10404 IPNI   14859 FW   157353

Батанічнае апісанне

Вечназялёныя і лістападныя кусты, радзей невялікія дрэвы. Лісце чаргаванае, суцэльнае. Кветкі буйныя, часта яркія, у шчыткападобных або парасонападобных суквеццях. Плод — каробачка.

Арэал

Вылучаецца больш за 600 (па іншых звестках да 1300) відаў. Пашыраны пераважна ва ўмераным поясе Паўночнага паўшар’я. На Беларусі рададэндран жоўты (Rhododendron luteum) трапляецца ў падлеску хваёвых лясоў, утварае зараснікі; з інтрадукаваных відаў найбольш пашыраны рададэндран даурскі (Rhododendron dauricum), рададэндран Ледэбура (Rhododendron ledebourii) і рададэндран японскі (Rhododendron molle japonicum).

Значэнне і выкарыстанне

Шмат сартоў і садовых форм вырошчваецца ў парках, альпінарыях, аранжарэях і пакоях (азаліі).

Некаторыя віды — меданосы, але паколькі ўсе часткі раслін атрутныя^[2], то і іх мёд часта мае таксічнае ўздзеянне. Дэкаратыўныя расліны.

Гл. таксама

• Rhododendron molle
• Rhododendron ponticum

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 110. — 160 с. — 2 350 экз.
2. Сергей Бесараб Ядовитые декоративные растения в саду и огороде. Справочник // Хабр — habr.com, 23 ліпеня 2021, 14:58