Радоўка бела-карычневая

Радоўка бела-карычневая (Tricholoma albobrunneum) — від шапкавых базідыяльных грыбоў з роду Радоўка (Tricholoma) сямейства Радоўкавыя (Tricholomataceae).

Радоўка бела-карычневая
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Падклас:  Agaricomycetidae Парадак:  Агарыкальныя Сямейства:  Радоўкавыя Род:  Радоўка від:  Радоўка бела-карычневая
Міжнародная навуковая назва
Tricholoma albobrunneum (Pers.) P.Kumm., 1871
Выявы на Вікісховішчы NCBI   123927 EOL   188470 MB   231906

Апісанне

Пладовае цела грыба — шапка на ножцы. Шапка грыба дыяметрам 4—9 см, спачатку пукатая, потым пукатая з бугром, каштанава-карычневага колеру, трохі ліпкая. Мякаць белая, пад скуркай каштанава-карычневатая, з мучным пахам і смакам. Ножка цыліндрычная, суцэльная, 1—2 см у дыяметры і 4—6 см у даўжыню. Колер ножкі белы або з адценнем шапкі грыба. Пласцінкі белыя з чырванавата-бурымі плямамі, частыя, прырослыя. Споры гладкія, бясколерныя.

Расце ў хвойных, пераважна сухіх сасновых лясах. Пладовыя целы з’яўляюцца ў ліпені — верасні.

Ядомы грыб^[1]. Па іншых дадзеных (Maser, 1967) — ядавіты.

Зноскі

1. Сержанина Г. И., Змитрович И. И. Макромицеты. Иллюстрированное пособие для биологов (руск.) / Под ред. Н. А. Дорожкина. — Мн.: Вышэйшая школа, 1978. — С. 76. — 192 с. — 60 000 экз.