Разак (род раслін)

Раза́к звычайны^[1][2], Раза́к алоэпадобны^[2] (Stratiótes aloídes) — водная травяністая расліна, адзіны прадстаўнік роду Разак (Stratiótes).

Разак
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Шальнікакветныя Сямейства:  Жабнікавыя Падсямейства:  Stratiotoideae Род:  Разак (Stratiotes) Від:  Разак
Міжнародная навуковая назва
Stratiotes aloides L. (1753)
Сінонімы
Stratiotes aculeatus Stokes Stratiotes aquaticus Pall. Stratiotes ensiformis Gilib., nom. inval. Stratiotes generalis E.H.L.Krause
Сістэматыка на Віківідах Выявы на Вікісховішчы ITIS   505383 NCBI   55494 EOL   11588686 GRIN   t:316418 IPNI   431936-1 TPL   kew-308859

У паняцця ёсць і іншыя значэнні, гл. Разак (значэнні).

Назва

Разак звычайны^[2], рэзнік, разак^[2][1], парэз^[3], разак алоэпадобны^[2].

Батанічнае апісанне

Батанічная ілюстрацыя з кнігі О. В. Тамэ «Flora von Deutschland, Österreich und der Schweiz», 1885

Шматгадовыя апушчаныя ў ваду двухдомныя расліны вышынёй 15—45 см. Лісце лінейна-ланцэтнае з зубчастым краем, цвёрдае, сабрана ў разетку. Кветкі аднаполыя, з белымі пялёсткамі. Мужчынскія кветкі часцей за ўсё адзіночныя, жаночыя ў суквеццях. У час цвіцення расліна ўзнімаецца да паверхні вады. Плод — ягадападобны са скурыстым каляплоднікам. Інтэнсіўна размнажаецца вегетатыўна.

Арэал

Пашыраны на тэрыторыі Еўразіі (у Еўропе, на Паўночным Каўказе, у Заходняй Сібіры). Расце ў прэсных слабапраточных і стаячых вадаёмах (сажалках, старыцах, затоках, азёрах і інш.).

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 127. — 160 с. — 2 350 экз.
2. Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.
3. Чоловский К. Опыт описания Могилевской губернии. По программе и под редакцией А. С. Дембовецкого, кн. I. Могілев.