Раздан (горад)

У паняцця ёсць і іншыя значэнні, гл. Раздан.

Разда́н (арм.: Հրազդան) — горад у Арменіі ў Катайкскай вобласці. Да 1959 года мястэчка Ахта (арм.: Ներքին Ախտա)^[1]. Знаходзіцца на левым беразе верхняга цячэння ракі Раздан. Знаходзіцца на адлегласці 50 км ад Ерэвана. Насельніцтва горада складае 52808 чалавек. Сярэднегадовая тэмпература паветра складае 6 °C, колькасць гадавых ападкаў - 715–730 мм. Раздан з'яўляецца адным з самых дажджлівых гарадоў Арменіі.

Горад Раздан арм.: Հրազդան Герб Краіна  Арменія Марз Катайкская вобласць Каардынаты 40°30′ пн. ш. 44°46′ у. д.HGЯO Мэр Арам Даніелян Ранейшыя назвы Ахта Плошча 21 км² Вышыня цэнтра 1 675 ± 1 м Насельніцтва 52 808 чалавек (2001) Часавы пояс UTC+4 Тэлефонны код +374 (223) Паштовыя індэксы 2301-2309 Афіцыйны сайт hrazdan.am Раздан на карце Арменіі

Медыяфайлы на Вікісховішчы

Геаграфія

Тэрыторыя горада размешчана галоўным чынам у стэпавай ландшафтнай зоне, аточанай рэдкалессем.

Праз тэрыторыю горада працякае рака Раздан і яе прытокі: Цахкадзор і Какавадзор. У межах горада знаходзіцца Ахбюракскае вадасховішча з аб'ёмам у 5 млн м³, здадзенае ў эксплуатацыю ў 1953 годзе.

На невялікай адлегласці ад горада, у басейне ракі Раздан знаходзяцца некалькі радовішчаў: Анкаванскае медзяна-малібдэнавае і золата-жалезаноснае, Меградзорскае поліметалічнае, у тым ліку залатаноснае, Разданскае комплекснае, галоўным чынам адзначанае ўтрыманнем злучэнняў жалеза, тытана, марганца, фосфара і іншых элементаў^[2].

Клімат рэзка-кантынентальны з умерана-халаднаватым, дажджлівым летам і даволі халоднай і снежнай зімой. Сумарная колькасць ападкаў у годзе ў сярэднім складае 550—600 мм, вільготнасць — каля 65%.

Абсалютны максімум тэмпературы: +33°С

Абсалютны мінімум тэмпературы: -38°С

Сярэднегадовая тэмпература: 4,8°С^[3].

Клімат Раздана
Паказчык	Сту	Лют	Сак	Кра	Май	Чэр	Ліп	Жні	Вер	Кас	Ліс	Сне	Год
Сярэдняя тэмпература, °C	−9	−7,1	−2,6	4,1	9,8	13,3	16,6	16,8	13,2	7,5	0,7	−5,8	4,8
Крыніца: [3]

Зноскі

1. Раздан — артыкул з БСЭ
2. Оценка состояния окружающей среды города Раздан с 2005 по 2008 годы Архівавана 1 лістапада 2011.
3. СНиП 2.01.01-82 «Строительная климатология и геофизика»; раздел "Армянская ССР" Архівавана 5 ліпеня 2012.