Растаропша

Растаропша^[1] (Silybum) — род кветкавых раслін сямейства астравыя. Налічвае 2 віды, пашыраныя на тэрыторыях Еўразіі, Паўночнай Афрыкі і Паўночнай Амерыкі.

Растаропша
Растаропша плямістая (Silybum marianum)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Астракветныя Сямейства:  Астравыя Падсямейства:  Carduoideae Трыба:  Cardueae Падтрыба:  Carduinae Род:  Растаропша
Міжнародная навуковая назва
Silybum Vaill. ex Adans., 1763
Сістэматыка на Віківідах Выявы на Вікісховішчы ITIS   38412 NCBI   92920 EOL   64580 GRIN   g:11165 IPNI   11024-1

Аднагадовыя і двухгадовыя травяністыя расліны са сцёбламі вышынёй да 1,5^[2] м. Лісце буйное, плямістае, чаргаванае, зубчастае з калючкамі. Кветкі дробныя, трубчастыя, пераважна пурпуровага колеру, сабраныя ў буйныя кошыкі дыяметрам 3—6^[2] см. Плод — сціснутая з бакоў сямянка з хахалком.

Растаропша плямістая — лекавая і дэкаратыўная расліна. Плады растаропшы ўтрымліваюць алей, прыдатны ў ежу.

Віды

• Silybum eburneum Coss. & Durieu
• Silybum marianum (L.) Gaertn. — Растаропша плямістая, ці Растаропша вострастракатая, ці Калючкі^[3]

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 122. — 160 с. — 2 350 экз.
2. Расторопша (руск.) // Вялікая савецкая энцыклапедыя
3. Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 362. — 10 000 экз. — ISBN 985-11-0035-8. — ISBN 985-11-0216-4 (т. 13).