Рачунская ГЭС

Рачунская ГЭС — малая гідраэлектрастанцыя ў Гродзенскай вобласці Беларусі. Размешчана на рацэ Ашмянцы (36 км ад вусця), за 13 км на паўночны захад ад Смаргоні, каля вёскі Рачуны.

Рачунская ГЭС
Краіна	Беларусь
Месцазнаходжанне	Гродзенская вобласць
Рака	Ашмянка
Год пачатку будаўніцтва	1958
Гады ўводу агрэгатаў	1959, 2004
Асноўныя характарыстыкі
Гадавая выпрацоўка электра­энергіі, млн  кВт⋅г	1,5 млн кВт·г
Разнавіднасць электрастанцыі	плацінная
Электрычная магутнасць, МВт	0,3[1]
Характарыстыкі абсталявання
Магутнасць генератараў, МВт	0,2 і 0,1
Асноўныя збудаванні
Вышыня плаціны, м	7,75[2]
Даўжыня плаціны, м	270[2]
На карце
Рачунская ГЭС

Уведзена ў эксплуатацыю ў 1959 годзе. Перапыніла выпрацоўку электраэнергіі ў 1977 годзе^[3] і была закінута. Рэканструявана і ўведзена ў эксплуатацыю 5 лютага 2001 года.

Рэканструкцыя пачалася ў 1999 годзе, былі адрамантаваныя турбіны і накіроўныя апараты, цалкам разабрана абсталяванне і заменены амартызаваныя часткі. Усталяваныя новыя генератары. Работы выконвала НВТАА «Малая энергетыка» і «Гроднаэнерга».

Уведзена ў эксплуатацыю 5 лютага 2001 года з вызначанай магутнасцю 200 кВт. У 2004 годзе дадаткова ўсталявана турбіна вытворчасці «Прамысловы саюз-Энергія» тыпу ГЭУ-100 (вызначанай магутнасцю 100 кВт). Такім чынам, агульная вызначаная магутнасць склала 300 кВт, гадавая выпрацоўка электраэнергіі прыкладна 1,5 млн кВт·г.

Рачунскае вадасховішча выкарыстоўваецца таксама для рыбагадоўлі. Плошча вадасховішча 1,5 км², найбольшая глыбіня 4,7 м.

Зноскі

1. Водохранилища — Гродненская область. Современное использование водохранилищ // Справочник «Водные объекты Республики Беларусь» (руск.)
2. Водохранилища — Гродненская область. Описание гидротехнических сооружений // Справочник «Водные объекты Республики Беларусь» (руск.)
3. Рачунскае вадасховішча // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 385. — 10 000 экз. — ISBN 985-11-0035-8. — ISBN 985-11-0216-4 (т. 13).