Рэчыцкая партызанская брыгада імя К. Я. Варашылава
Партызанская брыгада на тэрыторыі БССР у гады Вялікай Айчыннай вайны From Wikipedia, the free encyclopedia
Remove ads
Рэчыцкая партызанская брыгада імя К. Я. Варашылава — партызанская брыгада, створаная ў чэрвені 1943 года на базе атрада імя К. Я. Варашылава (арганізаваны ў маі 1942 года на базе групы М. Ф. Турчынскага, якая дзейнічала са жніўня 1941 года). Дзейнічала на акупаванай тэрыторыі Рэчыцкага, Хойніцкага і Васілевіцкага раёнаў. 17 лістапада 1944 года брыгада (1368 партызан, тры атрады і разведрота) злучылася з Чырвонай Арміяй.
Remove ads
Склад
- партызанскі атрад імя К. Я. Варашылава;
- партызанскі атрад імя М. В. Фрунзе;
- партызанскі атрад імя С. М. Будзённага;
- разведвальная рота.
Камандаванне
Камандзір
- Макар Пракопавіч Аніпка
Камісар
- Віктар Паўлавіч Палавінка
Гісторыя
Партызаны ў жніўні 1943 года на чыгуначным участку Рэчыца — Бабічы падарвалі 320 рэек, паміж чыгуначнымі станцыямі Рэчыца — Васілевічы падарвалі чыгуначны мост цераз раку Ведрыч, пуцілі пад адхон 13 эшалонаў. Разграмілі нямецкія апорныя пункты ў вёсках Узнаж і Маканавічы Васілевіцкага раёна. Разам з часцямі Чырвонай Арміі вызвалялі вёскі Берагавая Слабада, Унорыца Рэчыцкага раёна, захапілі пераправу і ўмацаваныя пазіцыі на правым беразе Дняпра каля вёскі Берагавая Слабада.
Памяць
У 1968 годзе ў вёсцы Гарноўка і ў 1976 годзе ў вёсцы Будка-Шыбенка Рэчыцкага раёна ў гонар брыгады былі пастаўлены абеліскі.
Літаратура
- Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.
Спасылкі
- Речицкая бригада им. К. Е. Ворошилова Архівавана 12 студзеня 2021.
Wikiwand - on
Seamless Wikipedia browsing. On steroids.
Remove ads