Гомельскае партызанскае злучэнне

Гомельскае партызанскае злучэнне — партызанскае злучэнне, якое дзейнічала на тэрыторыі Гомельскай вобласці. Пачало складвацца ў лістападзе 1942 года, дзейнічала да верасня—лістапада 1943 года.

Гомельскае партызанскае злучэнне
Гады існавання	лістапад 1942 года — верасень-лістапад 1943 года
Краіна	СССР
Падпарадкаванне	Беларускі штаб партызанскага руху
Уваходзіць у	Савецкі партызанскі рух у Беларусі
Тып	партызаны
Функцыя	змаганне з акупантамі
Колькасць	16300 партызан
Дыслакацыя	Гомельская вобласць
Войны	Другая сусветная вайна Вялікая Айчынная вайна
Удзел у	Вялікая Айчынная вайна
Камандзіры
Вядомыя камандзіры	Ілья Кожар

Гісторыя

З першых дзён нямецкай акупацыі Гомельскі падпольны абком КП(б)Б арганізаваў два партыйныя цэнтры для аператыўнага кіраўніцтва партызанскім рухам у паўднёвых і паўночных раёнах вобласці. Іх узначалілі А. А. Куцак (паўночныя раёны) і І. П. Кожар (паўднёвыя раёны). У ліпені—верасні 1942 года дзейнічаў штаб паўднёвай групы партызанскіх атрадаў, у лістападзе 1942 створаны штаб партызанскай групы партызанскіх атрадаў і некалькіх дыверсійных і арганізатарскіх груп, якія прыслалі з савецкага тылу. 5 лютага 1943 года штаб партызанскіх атрадаў паўднёвай групы перайменаваны ў штаб кіраўніцтва партызанскімі атрадамі, якому ў сакавіку—красавіку 1943 былі падпарадкаваны ўсе партызанскія фармірававанні, што дзейнічалі на тэрыторыі вобласці.

Партызанам Е. І. Барыкіну, А. Л. Ісачанку, П. І Кавалёву, І. П. Кожару, Ф. П. Котчанку, Ф. Я. Кухараву, Э. В. Лаўрыновічу, М. А. Міхайлашаву прысвоена званне Героя Савецкага Саюза.

Камандаванне

Камандзір — Ілья Паўлавіч Кожар, начальнік штаба — Емяльян Ігнатавіч Барыкін.

Склад

У склад злучэння ўваходзілі:

• 1-я Буда-Кашалёўская партызанская брыгада;
• 1-я Гомельская партызанская брыгада;
• 8-я Рагачоўская партызанская брыгада;
• 10-я Журавіцкая партызанская брыгада;
• Партызанская брыгада «Бальшавік»;
• Добрушская партызанская брыгада імя І. В. Сталіна;
• Партызанская брыгада «Жалязняк»;
• Партызанская брыгада імя П. К. Панамарэнкі;
• Партызанская брыгада імя В. І. Чапаева;
• Партызанская брыгада імя М. А Шчорса;
• Лоеўская партызанская брыгада «За Радзіму»;
• Партызанская брыгада «Мсцівец»;
• Рэчыцкая партызанская брыгада імя К. Я. Варашылава;
• 255-ы партызанскі полк;

2 асобна дзейныя атрады:

• 108-ы партызанскі атрад імя Р. І. Катоўскага;
• Партызанскі атрад імя С. М. Кірава;

агульная колькасць — 16 300 партызан.

На тэрыторыі Гомельскай вобласці дзейнічалі партызанскія фармаванні, якія не ўваходзілі ў склад злучэння:

• Партызанская брыгада «Уперад»;
• Партызанскі атрад «Другія»;
• Партызанская група «Дружба»;
• Партызанская група «Бывалыя»,

агульная колькасць — 872 партызаны.

Літаратура

• Беларусь у Вялікай Айчыннай вайне, 1941—1945: Энцыкл. / Рэдкал.:І. П. Шамякін (гал. рэд.) і інш.. — Мн.: БелСЭ, 1990. — 680 с. — 20 000 экз. — ISBN 5-85700-012-2.