Сакольскі павет (Расійская імперыя)

Не блытаць з Сакальскім паветам.

Сакольскі павет, Саколкаўскі павет (руск.: Сокольский уезд) — адміністрацыйная адзінка ў складзе Беластоцкай вобласці і Гродзенскай губерні, якая існавала ў 1808—1920 гадах. Цэнтр — горад Саколка. Плошча складала 2290 вёрст²^[1].

Сакольскі павет
Герб
Краіна	Расійская імперыя
Уваходзіць у	Гродзенская губерня
Адміністрацыйны цэнтр	Сакулка|Саколка
Дата ўтварэння	1808
Дата скасавання	1920
Насельніцтва	110,5 тыс. (1 897)
Плошча	2,6 тыс. км²

У паняцця ёсць і іншыя значэнні, гл. Сакольскі павет.

Гісторыя

Сакольскі павет у складзе Беластоцкай вобласці Расійскай імперыі быў утвораны ў 1808 годзе на тэрыторыі, якая адышла ад Прусіі паводле Тыльзіцкага міру. У 1843 годзе, у сувязі з ліквідацыяй Беластоцкай вобласці, павет быў перададзены ў Гродзенскую губерню.

У Першую сусветную вайну акупіраваны германскімі войскамі. 3 канца 1918 года ў складзе адноўленай Польшчы^[1].

Насельніцтва

Паводле даных перапісу 1897 года ў павеце пражывала 110,5 тыс. чал. (без гарадоў — 88,719 тыс. чал.^[1]). У тым ліку беларусы — 83,8 %; яўрэі — 12,2 %; рускія — 1,8 %; палякі — 1,2 %; з іх 80 % — католікі, 16 % — праваслаўныя, каля 1,5 % — іўдзеі^[1]. У павятовым горадзе Саколцы пражывала 7598 чал., у пазаштатных Васількаве — 3880 чал., Дамброве — 1988 чал., Карыцыне — 683 чал., Кузніца — 1346 чал., Новым Двары — 1300 чал., Адэльску — 1462 чал., Сухаволі — 3203 чал., Янаве — 2296 чал^[2]. Усяго ў павеце больш за 650 нас. пунктаў^[1].

Адміністрацыйны падзел

У 1913 годзе ў павеце было 13 валасцей:^[3]

• Астрагорская воласць (цэнтр — в. Вострая Гара^[pl]),
• Астроўская воласць (цэнтр — в. Востраў),
• Багнаўская воласць (цэнтр — в. Дамураты^[pl]),
• Грабянёўская воласць (цэнтр — г. Новы Двор),
• Зубрыцкая воласць (цэнтр — в. Бабікі^[pl]),
• Каменкаўская воласць (цэнтр — в. Янаўшчына^[pl]),
• Каменская воласць (цэнтр — с. Стоцк^[pl]),
• Круглянская воласць (цэнтр — г. Кузніца),
• Макаўлянская воласць (цэнтр — мястэчка Сідра),
• Нававольская воласць (цэнтр — в. Нававоля^[pl]),
• Раманаўская воласць (цэнтр — в. Лазова^[pl]),
• Трафімаўская воласць (цэнтр — в. Трафімаўка),
• Чарнавеская воласць (цэнтр — в. Чорная Весь)

Зноскі

1. Сакольскі павет // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — 512 с. — 10 000 экз. — ISBN 985-11-0035-8. — ISBN 985-11-0238-5 (т. 14).
2. Демоскоп Weekly — Приложение. Справочник статистических показателей
3. Волостныя, станичныя, сельскія, гминныя правленія и управленія, а также полицейскіе станы всей Россіи съ обозначеніем мѣста ихъ нахожденія. — Кіевъ: Изд-во Т-ва Л. М. Фишъ, 1913.