Сырадэля пасяўная

Сырадэля пасяўная^[1], Сарадэля^[2], Серадоля, Сэрадэль, Сарадэла^[3] (Ornithopus sativus) — від кветкавых раслін роду Сырадэля (Ornithopus) сямейства Бабовыя (Fabaceae).

Сырадэля пасяўная
Кветка
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Бабовакветныя Сямейства:  Бабовыя Падсямейства:  Матыльковыя Трыба:  Loteae Род:  Сырадэля Від:  Сырадэля пасяўная
Міжнародная навуковая назва
Ornithopus sativus Brot., 1805
Сістэматыка на Віківідах Выявы на Вікісховішчы ITIS   26820 NCBI   181292 EOL   688443 GRIN   t:26023 IPNI   510872-1 TPL   ild-5208

Батанічнае апісанне

Батанічная ілюстрацыя з кнігі Яна Копса «Flora Batava», 1800—1934

Аднагадовая травяністая расліна вышынёй да 60 см. Сцябло тонкае, галінастае. Лісце чаргаванае, складанае, няпарнаперыстае, з ланцэтнымі долямі. Кветкі дробныя, белага або ружовага колеру. Суквецце — гронка. Плод — струк, які распадаецца на аднанасенныя членікі.

Распаўсюджанне

Расліна распаўсюджана на тэрыторыі Еўропы і Паўночнай Афрыкі (Алжыр, Марока), натуралізавалася на Азорскіх астравах^[4].

Гаспадарчае значэнне

Меданосная і кармавая расліна. Вырошчваецца ў Еўропе і Аўстраліі^[4].

Зноскі

1. ЭПБ 1986.
2. З. Верас. Беларуска-польска-расейска-лацінскі ботанічны слоўнік. — Вільня, Субач 2: Выданне газеты «Голас беларуса», Друкарня С. Бэкэра, 1924.
3. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 91. — 160 с. — 2 350 экз.
4. Germplasm Resources Information Network (GRIN-Taxonomy)