Сырадэля

Сырадэ́ля^[1][2], птушканожка^[2] (Ornithopus) — род кветкавых раслін сямейства Бабовыя (Fabaceae).

Сырадэля
Сырадэля вельмі маленькая (Ornithopus perpusillus)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Бабовакветныя Сямейства:  Бабовыя Падсямейства:  Матыльковыя Трыба:  Loteae Род:  Сырадэля
Міжнародная навуковая назва
Ornithopus L.
Тыпавы від
Ornithopus sativus Brot. — Сырадэля пасяўная
Віды
Гл. тэкст
Сістэматыка на Віківідах Выявы на Вікісховішчы ITIS   26817 NCBI   100159 EOL   28045 IPNI   23086-1

Батанічнае апісанне

Сырадэля пасяўная (Ornithopus sativus). Батанічная ілюстрацыя з кнігі Яна Копса «Flora Batava», 1800—1934

Аднагадовыя травяністыя расліны вышынёй да 60 см. Сцёблы тонкія, галінастыя. Лісце непарнаперыстае, ланцэтнае. Кветкі дробныя, бледна-ружовыя, сабраныя ў гронкі. Плод — струк, нагадвае нагу птушкі (адсюль другая назва).

Арэал

Род налічвае каля 10 відаў (6 відаў^[3]). Пашыраны пераважна ў тропіках і субтропіках. Сырадэля пасяўная (Ornithopus sativus) як кармавая расліна з канца XIX стагоддзя ўведзена ў культуру ў Еўропе, у тым ліку на тэрыторыі Беларусі.

Спіс відаў

• Ornithopus compressus L.
• Ornithopus micranthus (Benth.) Arechav.
• Ornithopus perpusillus L. — Сырадэля вельмі маленькая
• Ornithopus pinnatus (Mill.) Druce
• Ornithopus sativus Brot. — Сырадэля пасяўная, ці Сарадэля, ці Сарадэла, ці Серадоля, ці Серадэль
• Ornithopus uncinatus Maire & Sam.

Значэнне і выкарыстанне

Зялёная маса сырадэлі ідзе на корм і ўгнаенне. Меданосная расліна.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 91. — 160 с. — 2 350 экз.
2. БелЭн 2002.
3. Ornithopus (англ.) // The Plant List