Свята-Аляксандра-Неўскі сабор (Бабруйск)

Свята-Аляксандра-Неўскі сабор — колішні праваслаўны храм у Бабруйску.

Праваслаўны храм
Свята-Аляксандра-Неўскі сабор
Сабор ў 1910-х гг.
53°08′11″ пн. ш. 29°14′50″ у. д.HGЯO
Краіна	Беларусь
Горад	Бабруйск
Канфесія	Руская праваслаўная царква
Архітэктурны стыль	класіцызм
Архітэктар	А. Штраўберт
Дата пабудовы	1827 год
Стан	адбудоўваецца
Медыяфайлы на Вікісховішчы

У паняцця ёсць і іншыя значэнні, гл. Свята-Аляксандра-Неўскі сабор.

Пабудаваны ў 1827 годзе па праекце арх. А. Штраўберта, размалёўкай інтэр’ераў займаўся мастак П. Урандзіна^[1].

Чарцёж сабора

Сабор размяшчаўся на Саборнай плошчы, якая знаходзілася на рагу дзвюх галоўных вуліц Бабруйскай крэпасці, адна з іх вяла ад Мінскай да Вадзяной брамы, другая — да Слуцкай брамы)^[1].

У 1934 годзе узарваны. Паводле ўспамінаў вядомага савецкага дысідэнта, генерала Пятра Грыгарэнкі, узрыў быў праведзены з выкарыстаннем сканцэнтраванага зарада і разбурыў адначасова з царквой больш за дзясятак дамоў, пры гэтым былі чалавечыя ахвяры.

З адкрыццём на тэрыторыі Бабруйскай крэпасці жаночага манастыра пачалося адраджэнне бабруйскай святыні. Пасля праведзенага абследавання ацалелых фрагментаў падмурка будынка было прынята рашэнне аб аднаўленні яго ў першапачатковым выглядзе. 30 мая 2009 г. епіскапам Бабруйскім і Быхаўскім Серафімам быў асвячоны Крыж, узведзены на месцы будучага сабора Святога дабравернага Вялікага князя Аляксандра Неўскага. А 16 верасня 2010 г. мітрапаліт Мінскі і Слуцкі Філарэт асвяціў частку падмурка і месца пад будаўніцтва святыні. У наш час ідуць будаўнічыя працы^[2].

Зноскі

1. Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.
2. По материалам сайта «Монастырский хронограф» (нявызн.)(недаступная спасылка). Архівавана з першакрыніцы 12 кастрычніка 2017. Праверана 18 лютага 2018.