Серафім (Беланожка)

У Вікіпедыі ёсць артыкулы пра іншых людзей з прозвішчам Беланожка.

Епіскап Серафім (свецкае імя Аляксей Дзмітрыевіч Беланожка; нарадзіўся 5 верасня 1973, Екацярынбург, Расія) — беларускі праваслаўны дзеяч, епіскап.

Епіскап Серафім
Епіскап Бабруйскі і Быхаўскі з 24 красавіка 2007
Царква	Беларускі Экзархат Рускай праваслаўнай царквы
Папярэднік	Пётр (Карпусюк), Сафроній (Юшчук) (ч/к)
Адукацыя	Мінская духоўная семінарыя (1994) Мінская духоўная акадэмія (2001) Універсітэт Арыстоцеля ў Салоніках (1999)
Дзейнасць	дыякан, прэсвітар, hierodeacon, іераманах, архімандрыт
Месца працы	Мінская духоўная семінарыя Еўрапейскі гуманітарны ўніверсітэт БДУ
Імя пры нараджэнні	Аляксей Дзмітрыевіч Беланожка
Нараджэнне	5 верасня 1973(1973-09-05) (52 гады) Свярдлоўск, РСФСР
Прыняцце свяшчэннага сану	14 снежня 2003
Прыняцце манаства	10 верасня 2003
Епіскапская хіратонія	24 красавіка 2007
Узнагароды	Ганаровая грамата Магілёўскага абласнога выканаўчага камітэта[d] (2017) Ганаровая грамата Міністэрства адукацыі Рэспублікі Беларусь (30 кастрычніка 2006)
Медыяфайлы на Вікісховішчы

Біяграфія

З сям'і вайскоўца. У 1986 сям'я пераехала ў Бабруйск. У 1990—1994 вучыўся ў Мінскай духоўнай семінарыі, якую скончыў, абараніўшы дыплом на тэму «Пастырскія пасланні святога апостала Паўла».

У 1999 з адзнакай скончыў багаслоўскі факультэт Фесаланікійскага ўніверсітэта імя Арыстоцеля (Грэцыя). У 1999—2000 праходзіў стажыроўку на багаслоўскім факультэце Цюбінгенскага ўніверсітэта (Германія).

У 2000 прызначаны выкладчыкам Свяшчэннага Пісання Новага Запавету Мінскай духоўнай семінарыі. У 2000—2004 — выкладчык, затым старшы выкладчык кафедры багаслоўя і гісторыі Царквы факультэта тэалогіі Еўрапейскага гуманітарнага ўніверсітэта ў Мінска; прызначаны памочнікам дэкана.

У 2001 скончыў Мінскую духоўную акадэмію з навуковай ступенню кандыдата багаслоўя, абараніўшы дысертацыю на тэму «Вучэнне святога апостала Паўла аб стаўленні чалавека да тварнога свету». З 2001 — выкладчык на кафедры візанталогіі Мінскай духоўнай акадэміі. У 2002 вывучаў англійскую мову ў Бірмінгемскім універсітэце (Вялікабрытанія).

10 верасня 2003 мітрапалітам Мінскім і Слуцкім Філарэтам пастрыжаны ў мантыю з імем Серафім у гонар Серафіма Сароўскага ў саборы Успенскага Жыровіцкага манастыра. Пасвечаны ў іерадыякана 24 кастрычніка 2003, у іераманаха — 14 снежня 2003.

У 2004 прызначаны першым прарэктарам Інстытута тэалогіі імя святых Мяфодзія і Кірыла Беларускага дзяржаўнага ўніверсітэта; дацэнт кафедры Біблеістыкі і царкоўна-практычных дысцыплін Інстытута тэалогіі БДУ.

22 красавіка 2007 прызначаны епіскапам Бабруйскім і Быхаўскім.

Спасылкі

• Біяграфія Серафіма на рэгіянальным партале Бабруйска Архівавана 19 студзеня 2022. (руск.)