Свята-Пакроўская царква (Гародзькі)

Свята-Пакроўская царква — праваслаўны храм у Беларусі, у аграгарадку Гародзькі Валожынскага раёна Мінскай вобласці.

Славутасць
Свята-Пакроўская царква
Свята-Пакроўская царква
54°12′56″ пн. ш. 26°25′45″ у. д.HGЯO
Краіна	Беларусь
Аграгарадок	Гародзькі
Канфесія	БПЦ
Епархія	Маладзечанская епархія
Архітэктурны стыль	псеўдарускі стыль
Дата пабудовы	1866 год
Медыяфайлы на Вікісховішчы

Гісторыя

На заходняй ускраіне вёскі. Пабудавана ў 1866 годзе з цэглы. Абкружана бутавай агароджай з арачнай брамай. Да 1990 года не дзейнічала, рэстаўрыравана.

Архітэктура

Помнік архітэктуры рэтраспектыўна-рускага стылю. Будынак чатырохчасткавай аб’ёмна-прасторавай кампазіцыі: трох’ярусная званіца (васьмярык на 2 чацверыках), нізкая трапезная, кубападобны аб’ём малітоўнай залы, пяцігранная апсіда. Асноўны аб’ём накрыты чатырохсхільным гонтавым дахам з макаўкай у завяршэнні. Плоскасныя сцены фланкіраваны атынкаванымі і пабеленымі, вылучанымі на паліхромным фоне бутавай муроўкі, вуглавымі лапаткамі, дэкарыраваны карнізамі нескладанага профілю. Прамавугольны праём галоўнага ўвахода, здвоеныя лучковыя аконныя праёмы бакавых фасадаў акаймаваны атынкаванымі ліштвамі.

Інтэр’ер

Унутраная прастора перакрыта плоскай столлю.

Літаратура

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. — 2000 экз. ISBN 978-985-11-0389-4

Спасылкі

• Свята-Пакроўская царква (Гародзькі) на сайце Глобус Беларусі (руск.)
• Свята-Пакроўская царква (Гародзькі) на сайце Radzima.org
• Свята-Пакроўская царква (Гародзькі) на сайце «Архіварта»