Сенна

Се́нна^[1] (трансліт.: Sienna, руск.: Сенно) — вёска ў Навагрудскім раёне Гродзенскай вобласці. Уваходзіць у склад Любчанскага сельсавета.

Вёска Сенна Краіна Беларусь Вобласць Гродзенская Раён Навагрудскі Сельсавет Любчанскі Каардынаты 53°43′20″ пн. ш. 26°05′53″ у. д.HGЯO Першая згадка ~1424 Насельніцтва ▼52 чал. (2019) Часавы пояс UTC+3 Тэлефонны код +375 1597 Аўтамабільны код 4 СААТА 4243859066 Сенна Сенна

Згадваецца ў «Абмежаванні спрэчных зямель Лаўрышаўскага манастыра, зробленае Новагародскім намеснікам Петрашам Мантыгірдавічам на загад вялікага князя Вітаўта». Арыгінал дакумента не захаваўся. У копіі 1711 года пададзена дата 15 чэрвеня 1398 года, але яе лічаць памылковай праз разыходжанні з іншымі звесткамі ў дакуменце^[2]. Найбольш верагоднае датаванне — 1424 год^[3].

«А шъто монастырская пашня, поля и чашъчо и поросъли и ограничили есьмо монастырскую земълю по реку Боловячу, липу Лопату и по дорогу мимо Сенъну, а по заднюю Стругу по Русечъ, а по дорогу, што од Гнесичъ лежитъ у Самойловичъ островъ, у тое бы все монастыръское князя великого людемъ не надобе усътупатисе.»

— Абмежаванне спрэчных земляў Лаўрышаўскага манастыра^[4]

Вядомыя асобы

• Аляксей Уладзіміравіч Рагуля (нар. 1935) — беларускі літаратуразнавец.