Серхіа Рамас

У Вікіпедыі ёсць артыкулы пра іншых людзей з прозвішчам Рамас.

Серхіа Рамас Гарсія (ісп.: Sergio Ramos García; нар. 30 сакавіка 1986, Камас, Іспанія) — іспанскі футбаліст, ігрок клуба «Севілья» і былы ігрок нацыянальнай зборнай Іспаніі. Гуляе на пазіцыі правага ці цэнтральнага абаронцы.

Серхіа Рамас
Агульная інфармацыя
Поўнае імя	Серхіа Рамас Гарсія
Мянушкі	Сярожа, Пераможца, Галава Рэала
Нарадзіўся	30 сакавіка 1986(1986-03-30)[1][2][…] (39 гадоў) Камас[d], правінцыя Севілья, Андалусія, Іспанія
Грамадзянства	Іспанія
Рост	184 см[3]
Вага	82 кг[3]
Пазіцыя	правы абаронца, цэнтральны абаронца
Інфармацыя пра клуб
Клуб	Севілья
Нумар	93
Маладзёжныя клубы
1996—2003 Севілья
Клубная кар’ера[* 1]
2002—2004 Севілья Атлетыка 26 (2) 2004—2005 Севілья 39 (3) 2005—2021 Рэал Мадрыд 469 (72) 2021—2023 Пары Сен-Жэрмен 45 (4) 2023— Севілья
Нацыянальная зборная[* 2]
2002 Іспанія (да 17) 1 (0) 2004 Іспанія (да 19) 7 (0) 2004 Іспанія (да 21) 6 (0) 2005—2021 Іспанія 180 (23)
Узнагароды і медалі
Чэмпіянаты свету Золата ПАР 2010 Кубкі канфедэрацый Бронза ПАР 2009 Срэбра Бразілія 2013 Чэмпіянаты Еўропы Золата Аўстрыя/Швейцарыя 2008 Золата Польшча/Украіна 2012
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 5 верасня 2023. Колькасць гульняў і галоў за нацыянальную зборную ў афіцыйных матчах, адкарэктавана станам на 5 верасня 2023
Медыяфайлы на Вікісховішчы

Кар’ера

«Севілья»

Ва ўзросце 14 гадоў Серхіа прыбыў на прагляд у «Севілью», дзе добра паказаў сябе. Неўзабаве пачаў выступаць за юнацкія каманды гэтага клуба. У сезоне 2002/03 правёў адзін матч за рэзервовую каманду «Севільі» у другім дывізіёне чэмпіянату Іспаніі. У сезоне 2003/04 Рамас стаў іграком асноўнага складу дубля, прыняўшы ўдзел у 25 матчах і забіўшы адзін мяч.

У пачатку 2004 года тагачасны галоўны трэнер «Севільі» Хаакін Капарас перавёў Рамаса ў асноўны склад. 1 лютага 2004 года Рамас дэбютаваў у Прымеры ў матчы супраць «Дэпартыва» (0:1). Улетку таго ж года Серхіа стаў чэмпіёнам Еўропы ў складзе юнацкай зборнай Іспаніі для ігракоў не старэйшых за 19 гадоў. У сезоне 2004/05 Серхіа правёў у Ла-Лізе 31 матч і забіў 2 мяча, таксама ён гуляў у Кубку УЕФА, у прыватнасці сустракаўся з пецярбургскім «Зенітам». У канцы сезона Серхіа быў прызнаны іграком-адкрыццём чэмпіянату.

26 сакавіка 2005 года Рамас дэбютаваў у складзе зборнай Іспаніі, выйшаўшы на замену ў паядынку супраць зборнай Кітая (3:0) ва ўзросце 18 гадоў. Серхіа стаў першым футбалістам з 1941 года, які гуляў за зборную Іспаніі ў такім юным узросце: раней гэтага дамогся брамнік Хуан Акунья. Праз некаторы час Серхіа трапіў у стартавы склад на адборачны матч чэмпіянату свету 2006 года супраць зборнай Сербіі і Чарнагорыі. З тых часоў ён стаў асноўным абаронцам каманды Луіса Араганеса.

«Рэал»

Летам 2005 года мадрыдскі «Рэал» набыў Рамаса за 27 мільёны еўра. «Барселона» і «Манчэстэр Юнайтэд» таксама жадалі бачыць іграка ў сваім складзе. Ледзь менш, чым праз год пасля чэмпіянату свету 2006, Серхіа набыў першы буйны тытул у кар’еры, стаўшы ў складзе «Рэала» чэмпіёнам Іспаніі. У адборачным турніры Еўра-2008 Рамас прыняў удзел у 11 з 12 матчаў і забіў 2 галы.

У 2015 годзе пасля сыходу Ікера Касільяса стаў капітанам «Рэала».

«Пары Сен-Жэрмен»

У ліпені 2021 года, пакінуўшы «Рэал» па завяршэнні кантракта ў якасці свабоднага агента, падпісаў двухгадовае пагадненне з «Пары Сен-Жэрмен»^[4]. Пакінуў парыжскі клуб у якасці свабоднага агента ў чэрвені 2023 года.

Вяртанне ў «Севілью»

У верасні 2023 года вярнуўся ў «Севілью», падпісаўшы кантракт да канца сезона 2023/24.

Дасягненні

Клубныя

«Рэал»

• Чэмпіён Іспаніі (5): 2007, 2008, 2012, 2017, 2020
• Уладальнік Кубка Іспаніі (2): 2011, 2014
• Уладальнік Суперкубка Іспаніі (4): 2008, 2012, 2017, 2019/20
• Пераможца Лігі чэмпіёнаў (4): 2013/14, 2015/16, 2016/17, 2017/18
• Уладальнік Суперкубка УЕФА (3): 2014, 2016, 2017
• Пераможца клубнага чэмпіянату свету (4): 2014, 2016, 2017, 2018

«Пары Сен-Жэрмен»:

• Чэмпіён Францыі (2): 2022, 2023
• Уладальнік Суперкубка Францыі: 2022

Міжнародныя

Іспанія

• Чэмпіён свету: 2010
• Чэмпіён Еўропы: 2008, 2012