Скобрае (возера)

Ско́брае^[2] — возера ў Беларусі, Полацкім раёне Віцебскай вобласці ў басейне ракі Палата, за 20 км на паўночны ўсход ад горада Полацк.

Скобрае
Морфаметрыя
Вышыня над узроўнем мора	137,9[1] м
Даўжыня	1,7 км
Шырыня	0,45 км
Плошча	0,54 км²
Даўжыня берагавой лініі	4,3 км
Найбольшая глыбіня	4,3 м
Басейн
Плошча вадазбору	5,4 км²
Упадаюць	ручаі
Выцякаюць	пратока
Размяшчэнне
Краіна	Беларусь
Рэгіён	Віцебская вобласць
Скобрае
Скобрае
Медыяфайлы на Вікісховішчы

У паняцця ёсць і іншыя значэнні, гл. Скобрае.

Плошча паверхні возера 0,54 км². Даўжыня 1,7 км, найбольшая шырыня 0,45 км. Даўжыня берагавой лініі 4,3 км. Найбольшая глыбіня 4,3 м. Плошча вадазбору 5,4 км².
Катлавіна возера рэшткавага тыпу, выцягнутая з паўночнага ўсходу на паўднёвы захад. Схілы вышынёй 2—5 м, у паўночнай частцы да 10 м. Вакол возера пойма шырынёй да 8 метраў. Берагі возера нізкія, месцамі забалочаныя. Дно плоскае, да глыбіні 2 м выслана пяском і апясчаненым ілам, на большых глыбінях слоем сапрапеля. Возера слабапраточнае. Упадаюць ручаі. Пратокай злучана з ракой Палата.

У возеры водзяцца шчупак, лешч, акунь, плотка, гусцяра, краснапёрка, карась і іншыя віды рыб.

Каля возера вёскі Скобрае, Новая Палата (чыгуначная станцыя Палата), Казімірова. Праходзіць чыгуначная дарога Полацк—Дрэтунь—Невель і аўтамабільная дарога Полацк—Дрэтунь.

Зноскі

1. Ліст карты N-35-23. Выданне 1987 года. Стан мясцовасці на 1986 год. (руск.)
2. БелЭн 2002.