Слабадскі сельсавет (Стаўбцоўскі раён)

У паняцця ёсць і іншыя значэнні, гл. Слабадскі сельсавет.

Слабадскі́ сельсавет — былая адміністрацыйна-тэрытарыяльная адзінка ў складзе Стаўбцоўскага раёна Мінскай вобласці. Цэнтр — вёска Яблонаўка.

Слабадскі сельсавет
Краіна	Беларусь
Уваходзіць у	Стаўбцоўскі раён
Уключае	5 населеных пунктаў
Адміністрацыйны цэнтр	Яблонаўка
Дата ўтварэння	12 кастрычніка 1940
Дата скасавання	30 кастрычніка 2009
Насельніцтва (2009)	1 013
Часавы пояс	UTC+03:00
Код аўтам. нумароў	5

Гісторыя

Утвораны 12 кастрычніка 1940 года як Задворскі сельсавет у складзе Стаўбцоўскага раёна Баранавіцкай вобласці БССР. Цэнтр — вёска Задвор’е. З 8 студзеня 1954 года ў складзе Мінскай вобласці. 26 жніўня 1961 года перайменаваны ў Слабадскі сельсавет, цэнтр перанесены ў вёску Слабада. 8 чэрвеня 1963 года ў склад Ячонскага сельсавета перададзены 3 населеныя пункты (Акінчыцы, Арцюхі і Задвор’е), у склад Мікалаеўшчынскага слеьсавета — вёска Сверынава, а ў склад сельсавета з Засульскага сельсавета перададзена вёска Коласава^[1]. 22 верасня 1980 года цэнтр сельсавета перанесены ў вёску Яблонаўка^[2]. 29 чэрвеня 2006 года з часткі сельсавета ўтвораны Наваколасаўскі сельсавет^[3]. 30 кастрычніка 2009 года скасаваны, тэрыторыя далучана да Заямнаўскага сельсавета^[4].

Насельніцтва

Насельніцтва сельсавета паводле перапісу 2009 года — 1013 чалавек^[5], з іх 90,1 % — беларусы, 4,6 % — палякі, 4,3 % — рускія^[6].

Склад

На момант скасавання ў склад сельсавета ўваходзілі 5 населеных пунктаў:

• Атцэда,
• Баханы,
• Кучкуны,
• Слабада,
• Яблонаўка.