Смолка ліпкая

Смолка ліпкая^[1] (Silene viscaria) — від шматгадовых травяністых раслін сямейства Гваздзіковыя.

Смолка ліпкая
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Гваздзікакветныя Сямейства:  Гваздзіковыя Падсямейства:  Caryophylloideae Трыба:  Sileneae Род:  Смалёўка Від:  Смолка ліпкая
Міжнародная навуковая назва
Silene viscaria
Сістэматыка на Віківідах Выявы на Вікісховішчы ITIS   521522 NCBI   42042 EOL   587274 GRIN   t:430081 IPNI   158652-1 TPL   kew-2487787

Назва

Смолка ліпкая, смолка, крываўнік, смалёўка, смалянка, сон-дрымота, сон-трава^[2][3][4][5].

Апісанне

Кветка

Сцябло прамастаячае, цыліндрычнае, простае ці зверху слаба разгалінавае. Вышыня расліны 30—60 см. Лісце лінейна-ланцэтнае, супраціўнае^[6]. Кветкі ружова-чырвоныя, пяціпялёсткавыя, сабраныя ў мяцёлку, памер 1—2 см. Плод каробачка^[6][7].

Квітнее ў мае-чэрвені^[7].

Арэал і біялогія

Шырока распаўсюджаная ў еўрапейскай частцы Расіі, Крыму, Перадкаўказзі, на паўднёвым-захадзе Сібіры і ў Сярэдняй Еўропе. У Беларусі сустракаецца па ўсёй тэрыторыі^[7][8].

Святлолюбівая расліна. Расце на пясчаных схілах, узлесках і палянах ў хваёвых барах, на сухіх лугах.^[6][7]

Хімічны склад

Трава ўтрымлівае сапаніны.^[7] Ядавітая расліна.^[6]

Таксанамія

Сінонімы

• Lychnis viscaria L.
• Lychnis viscosa Scop.
• Steris viscaria
• Viscaria viscosa (Scop.) Asch.
• Viscaria vulgaris Bernh.

Значэнне і ўжыванне

Адвар травы п'юць пры маткавых крывацёках.^[7] Дэкаратыўная расліна^[6].

Ахова

Згадана ў Чырвоных кнігах Рэспублікі Комі, Масквы, Мурманскай вобласці^[6].

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 142. — 160 с. — 2 350 экз.
2. Анненков Н.  (руск.) Ботанический словарь, Спб, 1878
3. Васількоў І. Г. Матэрыялы да флоры Горацкага раёна. Праца навуковага таварыства па вывучэнню Беларусі, т. III. Горы-Горкі, 1927
4. Носович И. И. Словарь белорусского наречия. Спб, 1870
5. Ганчарык М. М. Беларускія назвы раслін. Праца навуковага таварыства па вывучэнню Беларусі, т. II і IV. Горы-Горки, 1927
6. Steris viscaria (L.) Raf. Архівавана 16 жніўня 2011.
7. Лекарственные растения и и их применение. Изд. 5-5, перераб. и доп. «Наука и техника». Мн., 1974. 592 с. с ил. (АН БССР. Ин-т эксперим. ботаники им. В. Ф. Купревича)
8. Steris viscaria(недаступная спасылка)