Смолін

Смо́лін^[2] (трансліт.: Smolin, руск.: Смолин) — вёска ў Брэсцкім раёне Брэсцкай вобласці. Уваходзіць у склад Тэльмінскага сельсавета. Размешчаны за 14 км на ўсход ад Брэста, за 12 км ад чыгуначнай станцыі Брэст-Усходні.

Вёска Смолін Краіна Беларусь Вобласць Брэсцкая Раён Брэсцкі Сельсавет Тэльмінскі Каардынаты 52°08′30″ пн. ш. 23°52′16″ у. д.HGЯO Насельніцтва ▲22 чал. (2019)[1] Часавы пояс UTC+3 Тэлефонны код +375 162 Паштовы індэкс 225003 Аўтамабільны код 1 СААТА 1212840051 Смолін Смолін Смолін

Смолін на Вікісховішчы

У складзе камунальнага ўнітарнага сельскагаспадарчага прадпрыемства саўгаса «Брэсцкі» (цэнтр — в. Тэльмы 1).

Гісторыя

Паводле пісьмовых крыніц вядомы з XVI стагоддзя як сяло Смоліна ў Берасцейскім старостве Троцкага ваяводства Вялікага Княства Літоўскага. Пад 1564 годам пазначана ў метрыцы караля Жыгімонта II Аўгуста.

У XIX стагоддзі вёска — цэнтр аднайменнага маёнтка ў Кобрынскім павеце Гродзенскай губерні. Паводле рэвізіі 1858 года ўласнасць пані Стражамінскай. У 1870 годзе адносілася да Буяцкай сельскай грамады.

У 1905 годзе вёска ў Збіражскай воласці Кобрынскага павета. Паводле Рыжскага мірнага дагавора 1921 года ў складзе Польскай Рэспублікі, у Збіражскай гміне Брэсцкага павета Палескага ваяводства.

З 1939 года ў складзе БССР.

Насельніцтва

• 61 сялянская душа (1858)
• 150 жыхароў (1905)
• 124 жыхары (1959)
• 81 жыхар (1970)
• 8 гаспадарак, 10 жыхароў (2005)

Зноскі

1. https://web.archive.org/web/20210814164616/https://map.nca.by/
2. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)