Спіс уладальнікаў Галоўнай «Рок-кароны»

Галоўная (Вялікая) «Рок-карона» (ці Гурт года) — галоўная намінацыя штогадовай беларускай рок-прэміі «Рок-каранацыя». Першае ўручэнне прэміі адбылося па выніках 1994 года, апошняе — па выніках 2011. Не адбылася цырымонія ўзнагароджання «Рок-каранацыя 2003», а ўзнагароды цырымоніі «Рок-каранацыя 2005» прысуджалі за музычныя падзеі двух гадоў — 2004 і 2005. На юбілейнай цырымоніі, якая падсумоўвала 15 год існавання прэміі, Галоўная «Рок-карона» не была ўручана.

Гэта старонка — інфармацыйны спіс.

Уладальнікамі галоўнай рок-кароны з'яўляюцца 11 беларускіх гуртоў і 1 супольны музычны праект. Тры рок-гурты атрымлівалі Вялікую «Рок-карону» двойчы ў гісторыі прэміі. Выканаўца Лявон Вольскі ўсталяваў своеасаблівы рэкорд: атрымліваў Галоўную «Рок-карону» двойчы ў складзе гурта «N.R.M.» і адзін раз у складзе гурта «Крамбамбуля».

Спіс

У табліцы ніжэй лаўрэаты размешчаны ў храналагічным парадку. Колерам пазначаны гурты, якія атрымлівалі Галоўную «Рок-карону» двойчы.

Год	Выява	Назва	Заўвагі
Рок-каранацыя '94		гурт «Крама»	Рок-гурт з Баранавічаў, заснаваны ў 1991 годзе на базе гурта «Рокіс»
Рок-каранацыя '95		гурт «Rouble Zone»[1]	Рок-гурт з Барысава, заснаваны Алегам «Джагерам» Мінаковым. Зараз не існуе.
Рок-каранацыя '96		гурт «Ляпіс Трубяцкі»	Рок-гурт, заснаваны ў 1990 годзе. Лідарам з'яўляўся Сяргей Міхалок. Распаўся 1 верасня 2014 года.
Рок-каранацыя '97		гурт «N.R.M.»	Мінскі рок-гурт, заснаваны ў 1994 годзе ўдзельнікамі рок-гурта «Мроя». Назва гурта расшыфроўваецца як «Незалежная Рэспубліка Мроя».
Рок-каранацыя ’98		гурт «Neuro Dubel»	Панк-рок гурт з Смалявіч, заснаваны ў 1989 годзе. Да 2003 года выконвалі песні пераважна на рускай мове.
Рок-каранацыя '99		гурт «KRIWI»	Мінскі фолк-гурт, заснаваны ў 1996 годзе.
Рок-каранацыя 2000		гурт «N.R.M.»
Рок-каранацыя 2001		прадзюсар Алесь Суша	Атрымаў за беларускі супольны музычны альбом «Я нарадзіўся тут», запісаны ў 2000 годзе.
Рок-каранацыя 2002		гурт «Крамбамбуля»	Мінскі гурт, які выконвае музыку ў змешаным стылі пад уплывам рока і поп-фолка. Заснаваны ў 2001 годзе Лявонам Вольскім.
Рок-каранацыя 2004—2005		гурт «J:морс»	Мінскі поп-рок гурт, заснаваны ў 1999 годзе.
Рок-каранацыя 2006		гурт «Rasta»[2]	Гомельскі метал-гурт.
Рок-каранацыя 2007		гурт «Neuro Dubel»[3]
Рок-каранацыя 2008		гурт «Ляпіс Трубяцкі»[4]
Рок-каранацыя 2009		гурт «Без Билета»[5]	Альтэрнатыўны гурт з Вілейкі, заснаваны ў 1999 годзе.
Рок-каранацыя 2010		Галоўная рок-карона не ўручалася[6]
Рок-каранацыя 2011		гурт «Pomidor/OFF»[7]	Мінскі гурт, лідарам якога з'яўляецца Аляксандр Памідораў.

Гл. таксама

• Рок-кола

Зноскі

1. Сергей ТРЕФИЛОВ. «Рок-коронации» - 25 лет: лимузин для Джаггера, пол-ящика спиртного «Нейро Дюбелю» и голые музыканты N.R.M.. «Комсомолка» расспросила рок-королей 1990-х о закулисье первой альтернативной музыкальной награды страны [фото+видео] (руск.). Камсамольская праўда. Камсамольская праўда^[ru] (10 студзеня 2020). Праверана 13 сакавіка 2024.
2. «Рок-коронация 2006» (нявызн.). Ultra-music.com (26 лютага 2007). Праверана 11 красавіка 2017. (руск.)
3. «Рок-Каранацыя-2007»: рыцараў ня будзе, будуць рокеры (нявызн.)(недаступная спасылка). TUT.BY (19 лютага 2008). Архівавана з першакрыніцы 26 лютага 2008. Праверана 11 красавіка 2017.
4. «Рок-каранацыя-2008» пройдзе ў лютым наступнага года ў змененым фармаце (нявызн.). Еўрапейскае радыё для Беларусі (2 снежня 2008). Праверана 6 красавіка 2017.
5. Галоўная рок-карона, лепшы кліп і лепшы альбом 2009 году — у «Безь Білета» (нявызн.). Generation.by. Праверана 6 красавіка 2017.
6. 15 год "Рок-Каранацыі". Летапіс цырымоніі (нявызн.)(недаступная спасылка). UDF.BY. Архівавана з першакрыніцы 7 мая 2017. Праверана 6 красавіка 2017.
7. Рок-каранацыя ў Маладзечне — фотарэпартаж (нявызн.). Наша Ніва (31 сакавіка 2012). Праверана 6 красавіка 2017.