Станіслаў Кішка (ваявода віцебскі)

У Вікіпедыі ёсць артыкулы пра іншых асоб з падобнымі імёнамі, гл. Кішка і Станіслаў Кішка.

Станіслаў Пятровіч Кішка (? — 1 лістапада 1554) — дзяржаўны дзеяч Вялікага Княства Літоўскага.

Станіслаў Кішка
Герб «Дуброва»
8-ы Ваявода віцебскі 1544 — 1554
Папярэднік	Юрый Насілоўскі
Пераемнік	Рыгор Хадкевіч
Смерць	1 лістапада 1554(1554-11-01)
Род	Кішкі
Бацька	Пётр Станіслававіч Кішка
Маці	Алена з Ільінічаў
Жонка	Ганна Радзівіл
Дзеці	Ян, Станіслаў, Ганна

Староста браслаўскі (1522), дзяржаўца ўсвяцкі і азярышчанскі, ваявода віцебскі з 1544.

Сям'я

Сын троцкага кашталяна Пятра Кішкі і Алены Ільініч, дачкі дворнага літоўскага маршалка Юрыя Іванавіча Ільініча. Меў братоў Пятра і Мікалая.

Яго жонкай была Ганна Радзівіл (каля 1525 — 1600), дачка жамойцкага старосты Яна Радзівіла. Меў з ёй дзяцей:

• Яна (каля 1540 — 1592), віленскага кашталяна,
• Станіслава (каля 1550 — 1617),
• Ганну, якая была замужам за берасцейскім ваяводам Крыштафам Зяновічам.

Пасля смерці Станіслава Кішкі яго жонка выйшла замуж паўторна за Крыштафа Садоўскага.

Зноскі