Старасцень

Старасце́нь^[1][2] (Senécio) — велізарны па колькасці відаў род сямейства Астравыя (Asteraceae), самы буйны род сярод усіх кветкавых раслін.

Старасцень
Senecio haworthii
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Астракветныя Сямейства:  Астравыя Падсямейства:  Астравыя Трыба:  Senecioneae Род:  Старасцень
Міжнародная навуковая назва
Senecio L., 1753
Сістэматыка на Віківідах Выявы на Вікісховішчы ITIS   36084 NCBI   18794 EOL   37748 GRIN   g:11063 IPNI   325904-2 FW   323539

Батанічнае апісанне

Аднагадовыя, двухгадовыя і шматгадовыя расліны. Некаторыя з відаў — сукуленты. Кусты, паўкусцікі, ліяны і невысокія дрэвы. Сцёблы апушаныя або голыя. Плод — сямянка.

Арэал

Па розных дадзеных, у яго ўваходзяць ад 1000 да 3000 відаў, якія сустракаюцца па ўсім свеце і маюць самыя разнастайныя жыццёвыя формы — ад аднагадовых траў да дрэў. На тэрыторыі Беларусі 15 відаў^[2], з іх у Чырвоную кнігу занесены 5: старасцень водны (Senecio aquaticus), старасцень дняпроўскі (Senecio borysthenicus), старасцень прырэчны (Senecio fluviatilis), старасцень прыручайны (Senecio rivularis), старасцень эрукалісты (Senecio erucifolius).

Значэнне і выкарыстанне

Лекавыя, фарбавальныя і дэкаратыўныя расліны. Некаторыя віды — пустазелле.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 120. — 160 с. — 2 350 экз.
2. БелЭн 2002.