Старое Высокае (Ельскі раён)

У паняцця ёсць і іншыя значэнні, гл. Старое Высокае.

Старо́е Высо́кае^[2] (трансліт.: Staroje Vysokaje, руск.: Старое Высокое) — аграгарадок у Беларусі, цэнтр сельсавета ў Ельскім раёне Гомельскай вобласці. Насельніцтва 333 чал. (2004).

Аграгарадок Старое Высокае Краіна Беларусь Вобласць Гомельская Раён Ельскі Сельсавет Старавысокаўскі Каардынаты 51°46′ пн. ш. 28°50′ у. д.HGЯO Першая згадка XVIII стагоддзе Плошча 0,45[1] км² Насельніцтва 333 чалавекі (2004) Часавы пояс UTC+3 Тэлефонны код +375 2354 Аўтамабільны код 3 Старое Высокае на карце Беларусі ±

Старое Высокае на Вікісховішчы

Геаграфія

Знаходзіцца за 27 км на захад ад горада Ельск і чыгуначнай станцыі Ельск (лінія Калінкавічы — Оўруч), за 204 км ад Гомеля^[3]. Аўтамабільная дарога звязвае вёску з Ельскам. Каля вёскі праходзяць меліярацыйныя каналы.

Гісторыя

Упершыню вёска Высокае Мазырскага павета Мінскага ваяводства згадваецца ў пачатку XVIII ст. У сярэдзіне XVIII ст. яна падзялілася на дзве вёскі — Старое і Новае Высокае.

У выніку другога падзелу Рэчы Паспалітай (1793) Старое Высокае апынулася ў складзе Расійскай імперыі, у Мазырскім павеце Мінскай губерні. Паводле вынікаў перапісу 1897 года тут дзейнічала царква, працавала крама; вёска ўваходзіла ў склад Скараднянскай воласці. У 1905 годзе тут адкрылася школа. У 1908 годзе вёска ўваходзіла ў склад Каролінскай воласці.

Насельніцтва

• XVIII стагоддзе: 1795 — 16 двароў, 112 жыхароў
• XIX стагоддзе: 1897 — 31 двор, 248 жыхароў (паводле перапісу)
• XX стагоддзе: 1908 — 57 двароў, 311 жыхароў; 1940 — 62 двары, 197 жыхароў; 1959 — 178 жыхароў (паводле перапісу)
• XXI стагоддзе: 2001 — 427 жыхароў, 161 двор^[3]; 2004 — 124 гаспадаркі, 333 жыхары^[4]

Зноскі

1. Решение Ельского районного Совета депутатов от 23 ноября 2011 г. № 92 Об установлении границ сельских населенных пунктов Ельского района (руск.)
2. Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).. Сустракаецца таксама варыянт Ста́равысо́кае
3. БелЭн 2002.
4. Гарады і вёскі Беларусі: Энцыклапедыя. Т. 1, кн. 1. Гомельская вобласць / С. В. Марцэлеў; рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2004.