Стахава

Ста́хава^[1] (трансліт.: Stachava, руск.: Стахово) — вёска ў Столінскім раёне Брэсцкай вобласці Беларусі. Уваходзіць у склад Плотніцкага сельсавета.

Вёска Стахава Свята-Пакроўская царква Краіна Беларусь Вобласць Брэсцкая Раён Столінскі Сельсавет Плотніцкі Каардынаты 52°05′ пн. ш. 26°43′ у. д.HGЯO Першая згадка 1503 Насельніцтва больш 1 000 чалавек (2006) Часавы пояс UTC+3 Тэлефонны код +375 1655 Паштовы індэкс 225515 Аўтамабільны код 1 СААТА 1258848026 Стахава на карце Беларусі ±

Стахава на Вікісховішчы

Геаграфія

Размешчана за 27 км на паўночны захад ад Століна^[2], за 248 км ад Брэста^[2], за 6 км ад чыгуначнай станцыі Прыпяць^[2], 6 км на паўночны ўсход ад Плотніцы, за 5 км на поўнач ад Асаўцоў.

Гісторыя

Драўляная пабудова

Упершыню згадана ў прывілеі пінскага князя Фёдара Іванавіча Яраславіча ад 1503 года баярыну Карпу Карпавічу на востраў Асавы і дварышчы ў сёлах Стахава і Плотніца.

У XVI—XVIII стагоддзях вёска ў складзе Вялікага Княства Літоўскага.

З 1793 года ў складзе Расійскай імперыі.

З 1921 года ў складзе Польшчы. З 1939 года ў складзе Беларускай ССР. У 1940—1954 гадах цэнтр Стахаўскага сельсавета.

Насельніцтва

• 2001 год -- 1162 жыхары, 470 двароў^[2]

Славутасці

• Царква Покрыва Прасвятой Багародзіцы (1857) —  Гісторыка-культурная каштоўнасць Беларусі, шыфр 113Г000699шыфр 113Г000699.

Памятныя мясціны

• Помнік землякам, якія загінулі ў Вялікую Айчынную вайну.

Эканоміка

Каля вёскі размешчана Міні-ГЭС «Стахава»

Вядомы асобы

• Уладзімір Уладзіміравіч Апанасовіч (нар. 1951) — беларускі спецыяліст у галіне прыбораў і метадаў эксперыментальнай фізікі, інфарматыкі.
• Міхаіл Аляксандравіч Бычкоўскі — беларускі кераміст.
• Харытон Сцяпанавіч Гарагляд (1898—1985) — беларускі вучоны ў галіне ветэрынарыі, акадэмік АН БССР (1950), Акадэміі сельскагаспадарчых навук БССР (1957), Заслужаны дзеяч навукі БССР (1949).

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU). Сустракаецца таксама варыянт Ста́хаў, м.
2. БелЭн 2002.