Сэклы (возера)

У паняцця ёсць і іншыя значэнні, гл. Сэклы.

Сэ́клы^[2][3] — возера ў Беларусі, у Браслаўскім раёне Віцебскай вобласці, у басейне ракі Дзісна.

Сэклы
Морфаметрыя
Вышыня над узроўнем мора	143,2[1] м
Даўжыня	1,48 км
Шырыня	1,25 км
Плошча	1,01 км²
Аб’ём	0,0016 км³
Даўжыня берагавой лініі	4,7 км
Найбольшая глыбіня	3 м
Сярэдняя глыбіня	1,6 м
Басейн
Плошча вадазбору	9,4 км²
Упадаюць	ручаі
Выцякаюць	ручай
Размяшчэнне
Краіна	Беларусь
Рэгіён	Віцебская вобласць
Сэклы
Сэклы

Знаходзіцца за 34 км у напрамку на паўднёвы захад ад горада Браслаў, за 2 кіламетры на поўнач ад гарадскога пасёлка Відзы, на тэрыторыі нацыянальнага парка «Браслаўскія азёры»^[4].

Плошча паверхні 1,01 км², даўжыня 1,48 км, найбольшая шырыня 1,25 км, найбольшая глыбіня 3 м, сярэдняя 1,6 м. Даўжыня берагавой лініі 4,7 км, плошча вадазбору 9,4 км². Аб’ём вады ў возеры 1,6 млн м³.
Катлавіна рэшткавага тыпу, выцягнутая ў напрамку з паўночнага захаду на паўднёвы ўсход. Схілы вышынёй да 3 метраў, спадзістыя, на поўначы стромкія, вышынёй да 9 метраў. Берагі нізкія, пясчаныя, забалочаныя, пад хмызняком. Пойма шырынёй 10—20 метраў. Дно выслана сапрапелем, месцамі каля берагоў пясчанае. Зарастае па ўсёй плошчы. Злучана пратокай з Відзскім возерам, выцякае ручай у раку Дрысвята, упадае ручай са Старадворскага возера^[5].

У возеры водзяцца шчупак, акунь, лінь, сом, гусцяра, плотка, карась і іншыя рыбы.

Зноскі

1. Ліст карты N-35-18. Выданне 1984 года. Стан мясцовасці на 1983 год. (руск.)
2. БелЭн 2002.
3. ЭПБ 1986.
4. Общая характеристика озёр Витебской области // Справочник «Водные объекты Республики Беларусь» Архівавана 6 кастрычніка 2021. (руск.)
5. Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — С. 592. — 599 с., іл. — 10 000 экз.