Сяргей Іванавіч Сікорскі

Сярге́й Іва́навіч Сіко́рскі (11 верасня 1907, Бабруйск — 28 красавіка 1960, Мінск) — савецкі партыйны і ваенны дзеяч, адзін з арганізатараў і кіраўнікоў падполля і партызанскага руху ў гады Вялікай Айчыннай вайны. Герой Савецкага Саюза (01.01.1944^[1]).

Сяргей Іванавіч Сікорскі
Міністр унутраных спраў БССР 24 лютага 1958 — 28 красавіка 1960
Папярэднік	Міхаіл Іванавіч Баскакаў
Пераемнік	Аляксандр Нічыпаравіч Аксёнаў
Першы сакратар Магілёўскага абкама КП Беларусі 19 ліпеня 1950 — 6 лютага 1958
Папярэднік	Іван Карасёў
Пераемнік	Канстанцін Мацюшэўскі
Старшыня Брэсцкага аблвыканкама 20 ліпеня 1944 — 1946
Папярэднік	Канстанцін Длугашэўскі
Пераемнік	Фёдар Сіляеў
Першы сакратар падпольнага Брэсцкага абкама КПСС красавік 1943 — ліпень 1944
Папярэднік	Міхаіл Тупіцын
Пераемнік	Міхаіл Тупіцын
Нараджэнне	29 жніўня (11 верасня) 1907(1907-09-11) Бабруйск, Бабруйскі павет, Мінская губерня, Расійская імперыя
Смерць	28 красавіка 1960(1960-04-28) (52 гады) Мінск, Беларуская ССР, СССР
Месца пахавання	Вайсковыя могілкі
Веравызнанне	атэізм
Партыя	КПСС
Адукацыя	Вышэйшая камуністычная сельскагаспадарчая школа Беларусі імя У. І. Леніна Курсы ўдасканалення каманднага саставу[d] Вышэйшая партыйная школа пры ЦК КПСС
Ваенная служба
Гады службы	1929—1930, 1941—1944
Прыналежнасць	СССР
Род войскаў	партызаны
Званне	Палкоўнік
Бітвы	Вялікая Айчынная вайна
Узнагароды

У Вікіпедыі ёсць артыкулы пра іншых людзей з прозвішчам Сікорскі.

Біяграфія

Нарадзіўся 11 верасня 1907 года ў Бабруйску.

Працаваў рабочым, старшынёй калгаса, дырэктарам МТС. У 1929—1930 гадах праходзіў службу ў Чырвонай Арміі. У 1937 годзе скончыў Вышэйшую камуністычную сельскагаспадарчую школу Беларусі. Працаваў інструктарам ЦК КП(б)Б, з 1939 года — сакратаром па кадрам Брэсцкага абкама КП(б)Б.

З пачаткам Вялікай Айчыннай вайны С. І. Сікорскі па заданню ЦК КП(б)Б займаўся арганізацыяй падполля і партызанскага руху на тэрыторыі Віцебскай вобласці, а з лістапада 1942 г. прызначаны ўпаўнаважаным ЦК КП(б)Б па Брэсцкай вобласці. З красавіка 1943 года — адначасова сакратар Брэсцкага падпольнага абкама партыі і камандзір Брэсцкага партызанскага злучэння.

Пасля вайны С. І. Сікорскі на адміністрацыйных і гаспадарчых пасадах — сакратар Баранавіцкага абкама ЦК КП(б)Б, намеснік міністра сельскай гаспадаркі БССР, 1-ы сакратар Магілёўскага абкама КПБ, міністр унутраных спраў БССР у 1958—1960 гадах. Дэпутат Вярхоўнага Савета БССР у 1951—1954 гадах, дэпутат Вярхоўнага Савета СССР з 1954 года. Выбіраўся членам ЦК КПБ з 1952 года.

Памёр 28 красавіка 1960 года ў Мінску. Пахаваны ў Мінску на Вайсковых могілках.

Узнагароды

• Медаль «Залатая Зорка»
• Ордэн Леніна
• Ордэн Чырвонага Сцяга
• Ордэн Суворава 2-й ступені
• Ордэн Айчыннай вайны 1-й ступені
• 3 ордэны Працоўнага Чырвонага Сцяга
• медалі

Памяць

• Імем С. І. Сікорскага названыя вуліцы ў Бабруйску і Брэсце, школа ў вёсцы Здзітава Бярозаўскага раёна, Бабруйская узорная тэхнічная школа ДТСААФ^[2].
• Помнік на магіле Героя
• Памятны знак на Алеі Герояў у Бабруйску^[3]
• У Брэсцкім дзяржаўным універсітэце імя А. С. Пушкіна штогод праводзіцца турнір па баскетболу на прыз імя Героя Савецкага Саюза С. І. Сікорскага.

Зноскі

1. Указ Президиума Верховного Совета СССР «О присвоении звания Героя Советского Союза белорусским партизанам» от 1 января 1944 года // Ведомости Верховного Совета Союза Советских Социалистических Республик : газета. — 1944. — 6 января (№ 1 (261)). — С. 1
2. Постановление Совета Министров Белорусской ССР от 26 апреля 1985 г. № 135 О присвоении имён Героев Советского Союза организациям ДОСААФ БССР Архівавана 5 сакавіка 2016. (руск.)
3. Аллея Героев на площади Победы открыта 11 августа 2009 года, в День освобождения Бобруйска от немецко-фашистских захватчиков Архівавана 2 чэрвеня 2012. (руск.)