Сяргей Анатолевіч Рачкоў

Сярге́й Анатолевіч Рачкоў (нар. 4 лістапада 1960, Мінск) — беларускі дыпламат, дэпутат Палаты прадстаўнікоў Нацыянальнага сходу Рэспублікі Беларусь з 2024 года. Кандыдат педагагічных навук, дацэнт^[1].

Сяргей Анатолевіч Рачкоў
член Савета Рэспублікі Нацыянальнага сходу Рэспублікі Беларусь 7-га склікання з 2019
пасол Беларусі ў Егіпце[d] 10 верасня 2013 — 12 верасня 2019
Пасол Беларусі ў Амане[d] студзень 2014 — 12 верасня 2019
пасол Беларусі ў Алжыры[d] студзень 2014 — 12 верасня 2019
пасол Беларусі ў Судане[d] май 2014 — 12 верасня 2019
пастаянны прадстаўнік Беларусі пры Лізе арабскіх дзяржаў[d] верасень 2013 — 12 верасня 2019
дэпутат Палаты прадстаўнікоў Нацыянальнага сходу Рэспублікі Беларусь[d] з 2024
Нараджэнне	4 лістапада 1960(1960-11-04) (64 гады) Мінск, Беларуская ССР, СССР
Адукацыя	перакладчыцкі факультэт Мінскага дзяржаўнага лінгвістычнага ўніверсітэта[d] (1983)
Навуковая ступень	кандыдат педагагічных навук
Навуковае званне	дацэнт
Месца працы	Беларускі дзяржаўны ўніверсітэт замежных моў ААТ Банк БелВЭБ Нацыянальны банк Рэспублікі Беларусь Міністэрства замежных спраў Рэспублікі Беларусь
Узнагароды	Ганаровая грамата Савета Міністраў Рэспублікі Беларусь ганаровая грамата Нацыянальнага сходу Рэспублікі Беларусь За ўмацаванне парламенцкага супрацоўніцтва[d] За ўмацаванне парламенцкага супрацоўніцтва ў АДКБ[d]

У Вікіпедыі ёсць артыкулы пра іншых людзей з прозвішчам Рачкоў.

Біяграфія

Нарадзіўся 4 лістапада 1960 года ў г. Мінску. У 1983 годзе скончыў перакладчыцкі факультэт Мінскага дзяржаўнага педагагічнага інстытута замежных моў па спецыяльнасці «Англійская і французская мовы»^[1], у 1990 годзе — аспірантуру Мінскага дзяржаўнага педагагічнага інстытута замежных моў.

Прайшоў навучанне ў Сусветным банку (Вашынгтон, ЗША), Аб’яднаным Венскім інстытуце (Вена, Аўстрыя), Жэнеўскім цэнтры вывучэння палітыкі ў галіне міжнароднай бяспекі (Жэнева, Швейцарыя).

Працаваў выкладчыкам Мінскага дзяржаўнага педагагічнага інстытута замежных моў, начальнікам упраўлення па рабоце з персаналам акцыянернага камерцыйнага банка «Белзнешэканомбанк», начальнікам упраўлення кадравай палітыкі — саветнікам Старшыні Праўлення Нацыянальнага банка Рэспублікі Беларусь^[1].

З красавіка 1999 года — на дыпламатычнай рабоце. У 1999—2000 гадах — начальнік аддзела ЗША і Канады ўпраўлення Амерыкі МЗС Беларусі. У 2000—2002 гадах працаваў саветнікам Пасольства Рэспублікі Беларусь у Злучаных Штатах Амерыкі. У 2003—2006 гадах — кансультант, начальнік аддзела ЗША і Канады ўпраўлення Амерыкі МЗС Беларусі. У 2006—2009 гадах быў намеснікам Пастаяннага прадстаўніка Рэспублікі Беларусь пры Арганізацыі Аб’яднаных Нацый. 2009—2013 — начальнік аддзела ЗША і Канады ўпраўлення Амерыкі МЗС Беларусі. З верасня 2013 года — Надзвычайны і Паўнамоцны Пасол Рэспублікі Беларусь у Арабскай Рэспубліцы Егіпет, Пастаянны Прадстаўнік Рэспублікі Беларусь пры Лізе арабскіх дзяржаў. Са студзеня 2014 года па 12 верасня 2019 года^[2] працаваў Надзвычайным і Паўнамоцным Паслом Рэспублікі Беларусь у Султанаце Аман і Алжырскай Народнай Дэмакратычнай Рэспубліцы па сумяшчальніцтве (з мая 2014 года — Надзвычайным і Паўнамоцным Паслом Рэспублікі Беларусь у Рэспубліцы Судан па сумяшчальніцтве).

У снежні 2019 года стаў членам Савета Рэспублікі Нацыянальнага сходу Рэспублікі Беларусь сёмага склікання. Быў старшынёй Пастаяннай камісіі па міжнародных справах і нацыянальнай бяспецы^[3]. У 2024 годзе паўнамоцтвы Рачкова былі датэрмінова прыпыненыя ў сувязі з яго абраннем у Палату прадстаўнікоў^[4].

У 2024 годзе стаў дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Васняцоўскай акругі № 93. Старшыня Пастаяннай камісіі па міжнародных справах Член Савета Палаты прадстаўнікоў^[1].

Валодае англійскай і французскай мовамі.

Узнагароды

Мае Падзяку Прэзідэнта Рэспублікі Беларусь. Узнагароджаны медалём «За працоўныя заслугі», ганаровымі граматамі Нацыянальнага сходу Рэспублікі Беларусь, Савета Міністраў Рэспублікі Беларусь, медалямі Міжпарламенцкай Асамблеі дзяржаў — удзельніц Садружнасці Незалежных Дзяржаў «За ўмацаванне парламенцкага супрацоўніцтва», Парламенцкай Асамблеі Арганізацыі Дагавора аб калектыўнай бяспецы «За ўмацаванне парламенцкага супрацоўніцтва ў АДКБ», «100 год дыпламатычнай службе Беларусі», юбілейным медалём «МПА СНГ. 30 лет»^[1].

Навуковая дзейнасць

Аўтар звыш 40 навуковых публікацый па праблематыцы палітычнай культуры, міжнародных адносінах і нацыянальнай бяспецы^[1].

Зноскі

1. Біяграфія на сайце Палаты прадстаўнікоў Нацыянальнага сходу Рэспублікі Беларусь
2. Указ Прэзідэнта Рэспублікі Беларусь № 337 «О С. А. Рачкове» (руск.). Национальный правовой Интернет-портал Республики Беларусь (12 верасня 2019).
3. Рачков Сергей Анатольевич. Совет Республики Национального собрания Республики Беларусь Архівавана 25 верасня 2020.
4. Досрочно прекращены полномочия пяти членов Совета Республики (руск.). Reform.news (28 сакавіка 2024).