Сяргей Аляксеевіч Усеня

У Вікіпедыі ёсць артыкулы пра іншых людзей з прозвішчам Усеня.

Сяргей Усеня (нар. 4 сакавіка 1988, Мінск) — беларускі футбаліст, абаронца клуба «Маладзечна».

Сяргей Усеня
Поўнае імя	Сяргей Аляксеевіч Усеня
Нарадзіўся	4 сакавіка 1988(1988-03-04)[1] (37 гадоў) Мінск, Беларуская ССР, СССР[2]
Грамадзянства	Беларусь
Рост	176 см
Вага	77 кг[3]
Пазіцыя	абаронца
Інфармацыя пра клуб
Клуб	Маладзечна
Нумар	27
Клубная кар’ера[* 1]
2004—2010 БАТЭ (Барысаў) 0 (0) 2007 →  Хваля (Пінск) 11 (0) 2008 →  Белшына (Бабруйск) 14 (0) 2009 →  Баранавічы 22 (0) 2010 →  Рудзенск 14 (2) 2011 Тарпеда-БелАЗ (Жодзіна) 0 (0) 2011 →  Гарадзея 14 (0) 2012—2014 Гарадзея 72 (1) 2015 Алашкерт (Мартуні) 17 (0) 2016—2020 Гарадзея 88 (1) 2021 Дынама (Брэст) 7 (0) 2022—2023 Смаргонь 34 (0) 2024— Маладзечна
Нацыянальная зборная[* 2]
2004—2005 Беларусь (да 17) 5 (0) 2006 Беларусь (да 19) 3 (1)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 29 лютага 2024. Колькасць гульняў і галоў за нацыянальную зборную ў афіцыйных матчах

Клубная кар’ера

Выхаванец мінскай футбольнай школы «Алімпія», з 2004 года пачаў выступаць за дубль барысаўскага БАТЭ. У асноўную каманду прабіцца не здолеў, таму стаў аддавацца ў арэнды ў клубы Першай лігі, як то «Хваля», «Белшына», «Баранавічы», «Рудзенск».

У сакавіку 2011 года падпісаў кантракт з жодзінскім «Тарпеда»^[4], дзе гуляў за дубль. У ліпені быў аддадзены ў арэнду ў «Гарадзею»^[5], дзе здолеў замацавацца і на наступны сезон перайшоў у гэты клуб на трывалай аснове.

У лютым 2015 года пераехаў у чэмпіянат Арменіі, стаўшы іграком клуба «Алашкерт»^[6], куды яго запрасіў іншы беларус Станіслаў Гнядзько. У студзені 2016 года вярнуўся ў «Гарадзею»^[7], якая выйшла ў Вышэйшую лігу. У складзе «Гарадзеі» замацаваўся ў якасці асноўнага правага абаронцы. У студзені 2017 года на два гады падоўжыў кантракт з клубам^[8]. У сезоне 2017 стаў часцей выхадзіць на замену, гуляў пераважна злева ў абароне. У сезоне 2018 зноў стаў звычайна гуляць у стартавым складзе.

У лістападзе 2018 года падоўжыў кантракт з «Гарадзеяй» на сезон 2019^[9]. У сезоне 2019 часцей заставаўся на лаўцы запасных, прыцягваўся да дубля, у верасні і кастрычніку не гуляў з-за траўмы. У снежні 2019 года падоўжыў кантракт з клубам на наступны сезон^[10]. 2020 год пачынаў у стартавым складзе каманды, аднак у маі атрымаў траўму, з-за якой выбыў да канца года.

У студзені 2021 года трэніраваўся з «Крумкачамі», а неўзабаве адправіўся на прагляд у брэсцкае «Дынама» і ў лютым падпісаў кантракт^[11]. У складзе брэсцкага клуба выкарыстоўваўся як ігрок ратацыі, часцей заставаўся на лаўцы запасных.

У пачатку 2022 года трэніраваўся з бабруйскай «Белшынай», а ў сакавіку стаў іграком «Смаргоні»^[12]. Па выніках сезона 2022 дапамог камандзе вярнуцца ў Вышэйшую лігу. У лютым 2024 года пакінуў «Смаргонь»^[13] і неўзабаве папоўніў склад «Маладзечна»^[14].