Сяргей Фёдаравіч Рубанаў

Сяргей Фёдаравіч Руба́наў^[1] (7 кастрычніка 1914, в. Жабыкі, Дубровенскі раён^[2] — 1987, Слуцк) — дырэктар школы № 10 Слуцка, заслужаны настаўнік БССР (1957), кандыдат педагагічных навук (1969), Герой Сацыялістычнай Працы. Бацька Аляксандра Рубанава^[3] і Уладзіміра Рубанава^[1].

Сяргей Фёдаравіч Рубанаў
Дата нараджэння	7 кастрычніка 1914(1914-10-07)
Месца нараджэння	Жабыкі, Нова-Тухінская воласць[d], Аршанскі павет, Магілёўская губерня, Расійская імперыя
Дата смерці	13 студзеня 1987(1987-01-13) (72 гады)
Месца смерці	Слуцк, Слуцкі раён, Мінская вобласць, Беларуская ССР, СССР
Месца пахавання	Слуцк
Грамадзянства	СССР
Дзеці	Аляксандр Сяргеевіч Рубанаў і Уладзімір Сяргеевіч Рубанаў
Род дзейнасці	настаўнік, педагог
Навуковая сфера	Педагогіка
Месца працы	школа № 10 г. Слуцка
Навуковая ступень	(1969)
Альма-матар	Маскоўскі педагагічны дзяржаўны ўніверсітэт[d]
Вядомы як	дырэктар школы № 10 г. Слуцка
Узнагароды

У Вікіпедыі ёсць артыкулы пра іншых людзей з прозвішчам Рубанаў.

Біяграфія

Нарадзіўся ў сям’і селяніна. У 1930 годзе скончыў Ляднянскую сямігодку, працаваў настаўнікам, вучыўся ў Мсціслаўскім педагагічным тэхнікуме. Пасля яго заканчэння працаваў у школах Слуцкага раёна і працягваў завочна вучыцца ў педінстытуце пры Беларускім дзяржаўным універсітэце. З 1939 па 1946 год знаходзіўся ў Савецкай Арміі. Удзельнічаў у Фінскай і Вялікай Айчыннай войнах. Удзельнік абароны Ленінграда^[3][4].

У 1948 годзе завочна скончыў Маскоўскі дзяржаўны педінстытут^[2]. З гэтага года і па студзень 1987 года — дырэктар СШ № 10 горада Слуцка^[3].

С. Ф. Рубанаў у складзе дэлегацыі прадстаўнікоў народнай адукацыі быў у Польшчы, Балгарыі, ГДР, Англіі. Ён вывучаў стан народнай адукацыі і выкладанне матэматыкі, а затым выступаў з паведамленнямі перад настаўнікамі школы і выказваў свае думкі ў артыкулах, надрукаваных у часопісе «Матэматыка ў школе»^[4].

Памёр у 1987 годзе, пахаваны ў Слуцку^[3].

Узнагароды і званні

С. Ф. Рубанаву першаму з педагогаў Беларусі^[4] прысвоена званне Героя Сацыялістычнай Працы. Узнагароджаны ордэнамі Леніна, Працоўнага Чырвонага Сцяга, Айчыннай вайны I, II ступені, медалямі. Заслужаны настаўнік БССР (1957). Кандыдат педагагічных навук (1969)^[2][3][5]

Бібліяграфія

• «Вопросы рационализации процесса обучения стереометрии в средней школе» (1969)^[6]
• Школа и жизнь. — Мн., 1967.

Памяць

З 1988 года сярэдняя школа № 10 Слуцка носіць імя Сяргея Фёдаравіча Рубанава^[7].

Зноскі

1. БелЭн 2001.
2. Биографический справочник. — Мн.: Издательство «Белорусская советская энциклопедия» имени Петруся Бровки, 1982. — Т. 5. — С. 29.
3. Ведущие не по приказу Архівавана 2 лютага 2014. (руск.)
4. Воспоминания Жуковой А. П. (руск.)
5. Рубанаў Сяргей Фёдаравіч // Памяць: Гіст.-дакум. хроніка Слуцкага р-на і г. Слуцка. У 2 кн. Кн. 2-я. — Мн.: БЕЛТА, 2001. — С. 423.
6. Защищённые диссертации Архівавана 1 лютага 2014. (руск.)
7. Постановление Совета Министров Белорусской ССР от 3 октября 1988 г. № 290 О присвоении имени С. Ф. Рубанова средней школе N 10 г. Слуцка(недаступная спасылка) (руск.)