Сіпа (рака)

У паняцця ёсць і іншыя значэнні, гл. Сіпа.

Сі́па^[1] — рака ў Зэльвенскім і Мастоўскім раёнах Гродзенскай вобласці Беларусі, левы прыток ракі Шчара (басейн Нёмана).

Сіпа
Характарыстыка
Даўжыня	26 км
Басейн	147 км²
Вадацёк
Выток
• Месцазнаходжанне	каля вёскі Грабава
• Каардынаты	53°11′24,10″ пн. ш. 24°54′25,60″ у. д.HGЯO
Вусце	Шчара
• Месцазнаходжанне	на паўночны захад ад вёскі Пясчанка
• Каардынаты	53°24′02″ пн. ш. 24°54′44,60″ у. д.HGЯO
Ухіл ракі	1,7 м/км
Размяшчэнне
Водная сістэма	Шчара → Нёман → Балтыйскае мора
Краіна	Беларусь
Рэгіён	Гродзенская вобласць
Раёны	Зэльвенскі раён, Мастоўскі раён
выток вусце
— выток, — вусце

Назва

Назва Сіпа мае балцка-яцвяжскае паходжанне.^{[крыніца?]}

Заходнябалцкім мовам (прускай і яцвяжскай) уласцівы пераход š, ž > s, z.^{[крыніца?]}

На гэтай падставе да яцвяжскіх таксама залучаюцца назвы Свіцязь, Зэльва, *Zeita (> Zietela > Дзятлава), бо ва ўсходнябалцкім літоўскім афармленні яны мелі б выгляд Švit-, Želv-, Žiet-.^{[крыніца?]} Апошнія два, апроч таго, у непасрэднай блізіні да Сіпы.

Гідраграфія

Даўжыня ракі 26 км. Плошча вадазбору 147 км². Сярэдні нахіл воднай паверхні 1,7 ‰. Пачынаецца каля вёскі Грабава Зэльвенскага раёна, цячэ праз возера Азяранскае, упадае ў Шчару на паўночны захад ад вёскі Пясчанка Мастоўскага раёна. Рэчышча на працягу 9 км каналізаванае: ад вёскі Букштава да вёскі Малыя Азёркі (3 км) і ад пункта за 1,4 км ніжэй возера Азяранскае да вёскі Баяры (6 км). Пойма да возера амаль на ўсім працягу забалочаная.