Таймыр

У паняцця ёсць і іншыя значэнні, гл. Таймыр (значэнні).

Таймы́р^[1], Таймырскі паўвостраў^[1] — паўвостраў у Расіі, самая паўночная мацерыковая частка сушы Еўразійскага кантынента (мыс Чэлюскін), размешчаны паміж Енісейскім залівам Карскага мора і Хатангскім залівам мора Лапцевых.

Таймыр
75°21′40″ пн. ш. 107°41′41″ у. д.HGЯO
Акваторыі	Мора Лапцевых, Карскае мора
Плошча	каля 400 000 км²
Найвышэйшы пункт	1 125 м
Краіна	Расія
Таймыр
Таймыр
Медыяфайлы на Вікісховішчы

Геаграфія

Плошча паўвострава каля 400 000 км². Даўжыня каля 1000 км, шырыня каля 500 км. Па характары паверхні дзеліцца на 3 часткі: Паўночна-Сібірская нізіна, горы Быранга (вышыня да 1125 (1146^[2][3]) метраў), якія цягнуцца з паўднёвага захаду на паўночны ўсход, і прыбярэжная раўніна ўздоўж узбярэжжа Карскага мора. Паўднёвай мяжой паўвострава лічыцца паўночны ўступ плато Путарана. Узбярэжжа паўвострава моцна парэзанае. Берагі пераважна нізкія.

На поўначы паўвострава арктычныя і высакагорныя пустыні і паўпустыні, у сярэдняй частцы тундра, на поўдні — лесатундра з рэдкалессем. Клімат арктычны, суровы. Пашырана вечная мерзлата.

Найбуйнейшыя рэкі Таймыра: Пясіна, Верхняя Таймыра і Ніжняя Таймыра, Хатанга.

Найбуйнейшыя азёры: Таймыр, Партнягіна, Кунгасалах, Лабаза, Какора.

Фаўна

У складзе фаўны Таймырскага паўвострава заяц-бяляк, паўночны алень, пясец, воўк, белы мядзведзь. У летні перыяд шмат птушак.