Тапілішкі

Тапі́лішкі^[1] (трансліт.: Tapiliški, руск.: Топилишки) — аграгарадок у Шчучынскім раёне Гродзенскай вобласці Беларусі. Уваходзіць у склад Лядскага сельсавета. Да 2002 года Тапілішкі ўваходзілі ў склад Шчучынскага сельсавета^[2].

Аграгарадок Тапілішкі Краіна Беларусь Вобласць Гродзенская Раён Шчучынскі Сельсавет Лядскі Каардынаты 53°38′11″ пн. ш. 24°43′12″ у. д.HGЯO Насельніцтва ▼798 чал. (2009) Часавы пояс UTC+3 Тэлефонны код +375 1514 Паштовыя індэксы 231530 Аўтамабільны код 4 СААТА 4258835081 Тапілішкі на карце Беларусі ±

Тапілішкі на Вікісховішчы

Геаграфія

Знаходзіцца за 4 кіламетры на поўнач ад Шчучына, за 65 кіламетраў ад Гродна, за 11 км ад чыгуначнай станцыі Ражанка^[3].

Назва

Ад імя тыпу Tapila (з утваральнікам -il-) — прускі тапонім Tapil-kayme (caymis "вёска").

Гісторыя

У 1865 годзе вёска (68 рэвізскіх душ, Шчучынскай воласці Лідскага павета, валоданне Друцкіх-Любецкіх). У 1893 годзе — 123 жыхары; у 1905 годзе — 205 жыхароў, 229 дзесяцін зямлі. Побач знаходзілася аднайменная лясная старожка. 3 1921 годзе ў Шчучынскай гміне Лідскага, потым Шчучынскага павета Навагрудскага ваяводства Польшчы. У 1921 годзе вёска (30 двароў, 196 жыхароў) і леснічоўка (9 жыхароў). З 20 верасня 1944 года Тапілішкі ў Гродзенскай вобласці БССР. У 1940 годзе вёска налічвала 79 двароў, 249 жыхароў; былая леснічоўка — 11 жыхароў. 1950 годзе ў вёску сселены жыхары хутара Баранаўшчына (у 1940 годзе былы фальварак, 4 дамы, 19 жыхароў).

Насельніцтва

• 123 жыхары (1893)
• 205 жыхароў (1905)
• 196 жыхароў, 30 двароў (1921)
• 249 жыхароў, 79 двароў (1940)
• 279 двароў, 858 жыхароў (2001)
• 281 двор, 876 жыхароў (2002)^[3]

Інфраструктура

• Клуб
• Бібліятэка
• Магазін
• Лазня
• Птушкарэпрадуктар

Славутасці

Тапілішкаўскія валуны.

• Тапілішкаўскія валуны, на паўднёвай ускраіне вёскі — геалагічны помнік прыроды рэспубліканскага значэння

Зноскі

1. Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9 (DJVU).. Сустракаецца таксама варыянт Тапілі́шкі
2. Решение Гродненского областного Совета депутатов от 20 сентября 2002 г. № 99 О решении вопросов административно-территориального устройства Щучинского района
3. БелЭн 2002.