Таццяна Іванаўна Сцёпіна

Таццяна Іванаўна Сцёпіна (у дзявоцтве Варганава; 12 красавіка 1935, Мінск — 15 жніўня 2022, Мінск) — беларускі мастацтвазнаўца, музейны работнік. Адна з заснавальніц і першая дырэктарка (1979—2005) Музея беларускага народнага мастацтва ў Раўбічах. Жонка філосафа, акадэміка Вячаслава Сцёпіна.

Таццяна Іванаўна Сцёпіна
Дата нараджэння	12 красавіка 1935(1935-04-12)
Месца нараджэння	Менск, Беларуская ССР, СССР
Дата смерці	15 жніўня 2022(2022-08-15) (87 гадоў)
Месца смерці	Мінск, Беларусь
Месца пахавання	Козыраўскія могілкі
Грамадзянства	СССР  Беларусь
Жонка	Вячаслаў Сямёнавіч Сцёпін
Род дзейнасці	мастацтвазнавец, музейны супрацоўнік
Месца працы	Нацыянальны мастацкі музей Рэспублікі Беларусь Музей беларускага народнага мастацтва
Альма-матар	гістарычны факультэт БДУ (1958)
Узнагароды

У Вікіпедыі ёсць артыкулы пра іншых людзей з прозвішчам Сцёпіна.

У Вікіпедыі ёсць артыкулы пра іншых людзей з прозвішчам Варганава.

Біяграфія

Нарадзілася ў Мінску ў сям’і чыгуначніка Івана Дзмітрыевіча Варганава, які загінуў на фронце пад Растовам у 1943 годзе, і Веры Іванаўны Зялькевіч, рабочай вагонарамонтнага завода. У 1953 годзе скончыла чыгуначную школу № 20 у Мінску^[1].

У 1958 годзе скончыла гістарычны факультэт Беларускага дзяржаўнага ўніверсітэта^[1].

З лістапада 1958 года працавала ў Дзяржаўным мастацкім музеі БССР. Пачынала як экскурсавод аддзела навуковай прапаганды мастацтва. З 1961 года працавала ў новаствораным аддзеле прыкладнога мастацтва, спецыялізавалася на вывучэнні беларускага народнага мастацтва. Брала ўдзел у шматлікіх этнаграфічных экспедыцыях па Беларусі, падчас якіх былі сабраны ўнікальныя калекцыі народнага адзення, ткацтва, керамікі і разьбы па дрэве^[1].

З’яўлялася адной з аўтараў канцэпцыі і стваральніц экспазіцыі філіяла мастацкага музея — Музея беларускага народнага мастацтва ў Раўбічах, які размясціўся ў будынку былога касцёла. З моманту адкрыцця музея ў 1979 годзе і да 2005 года з’яўлялася яго нязменнай загадчыцай. З-за хваробы яна ўжо не магла ў любое надвор’е паднімацца на гару, дзе знаходзіўся музей^[1].

Памерла 15 жніўня 2022 года. Пахавана на Козыраўскіх могілках у Мінску побач з маці^[1].

Навуковая дзейнасць

Аўтар і ўкладальнік шэрагу каталогаў выставак, навуковых артыкулаў па праблемах беларускага народнага мастацтва^[1].

Узнагароды

• Медаль Францыска Скарыны (1999) — за шматгадовую плённую працу, значны асабісты ўклад у развіццё і прапаганду беларускага выяўленчага мастацтва^[2].

Выбраныя публікацыі

• Веснавая выстаўка твораў мастакоў : жывапіс, скульптура, графіка : каталог / склад.: А. А. Баравік, З. Г. Казлова, Т. І. Сцёпіна. — Мінск : [б. в.], друк, 1961. — 32 c.
• Рэспублiканская мастацкая выстаўка, прысвечаная XXII з’езду КПСС i XXV з’езду КП Беларусi : жывапіс, скульптура, графіка, работы мастакоў тэатра і кіно, прыкладное мастацтва : каталог / склад.: В. А. Баравік, Т. І. Сцёпіна, В. М. Чуркіна. — Мінск : [б. ст.], 1962. — 39 с.
• Мой горад : Мастацкая выстава, прысвечаная 900-годдзю Мінска : жывапiс, графiка, скульптура, прыкладное мастацтва / склад.: Э. I. Вецер, Т. I. Сцепiна ; М-ва культуры БССР, Саюз мастакоў БССР, Дзяржаўны мастацкi музей БССР. — Мн., 1967 — 16 с.
• Беларускае выяўленчае і прыкладное мастацтва : каталог выставы / склад.: П. М. Герасімовіч, Т. І. Сцёпіна ; Міністэрства культуры БССР ; Саюз мастакоў БССР. — Мінск : Полымя, 1968. — 30 с.
• Мастакi Беларусi XXIV з’езду КПСС i XXVII з’езду КПБ : каталог / склад.: П. М. Герасімовіч, С. І. Кітаніна, Т. І. Сцёпіна [і інш.]. — Мінск : [б. в.], 1971. — 31с.
• Трэцяя рэспубліканская выстаўка твораў маладых мастакоў : каталог / склад.: П. М. Герасімовіч, С. І. Кітаніна, Т. І. Сцёпіна [і інш.]. — Мінск : Полымя, 1973. — 19 с.
• Беларускія народныя тканіны ў зборы Дзяржаўнага мастацкага музея БССР : каталог / аўтар артык. І. М. Паньшына; склад. Т. І. Сцёпіна ; Дзяржаўны мастацкі музей БССР. — Мінск : Беларусь, 1979. — 254 с.
• Майстры культуры — за мір : рэспубліканская мастацкая выстава (6-3 лістапада 1986 г.) : каталог /, 1987. — 31 с склад.: В. У. Вайцэхоўская, Л. Ф. Вараб’ёва, Т. І. Сцёпіна [і інш.]. — Мінск : Беларусь.
• Сцёпіна, Т. І. Народнае адзенне Маларыты і Моталя / Т. І. Сцёпіна // Допісы Дзяржаўнага мастацкага музея БССР. — Мінск : Навука і тэхніка, 1994. — Вып. 1. — С. 161—172.