Таіса Паўлаўна Агафоненка

Таіса Паўлаўна Агафо́ненка (29 сакавіка 1927, г. Кляшчэлі^[1], або в. Волька Выганоўская^[2][3], Беластоцкае ваяводства, Польшча — 11 лістапада 2023, Мінск) — майстар мастацкага саломапляцення. Дачка Веры Ільінічны Гаўрылюк^[1].

Таіса Паўлаўна Агафоненка
Дата нараджэння	29 сакавіка 1927(1927-03-29)
Месца нараджэння	Кляшчэлі, Гміна Кляшчэлі, Бельскі павет, Беластоцкае ваяводства, Польская Рэспубліка або Волька Выганоўская[d], гміна Орля, Бельскі павет, Беластоцкае ваяводства, Польская Рэспубліка
Дата смерці	11 лістапада 2023(2023-11-11) (96 гадоў)
Грамадзянства	Беларусь
Маці	Вера Ільінічна Гаўрылюк
Род дзейнасці	артыстка
Месца працы	Мінская мастацка-галантарэйная фабрыка[d]
Вучоба	Мінскае мастацкае вучылішча (1957)
Уплыў	Аляксандр Пятровіч Мазалёў і Павел Васілевіч Масленікаў
Член у	Саюз мастакоў БССР
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Агафоненка.

Біяграфія

Нарадзілася ў сям’і Паўла Іванавіча і Веры Ільінічны Гаўрылюкоў (у дзявоцтве Карпюк). Бацькі нарадзіліся недалёка ад Белавежскай пушчы. Бацька ўдзельнічаў у стварэнні ў сваёй вёсцы тэатральных пастановак, збіраў фальклор^[3]. Калі пасля Другой сусветнай вайны Беласточчыну перадалі Польшчы, Гаўрылюкі выехалі ва Украіну, але ўрэшце вярнуліся ў Брэст^[3].

Скончыла ў 1957 годзе Мінскае мастацкае вучылішча^[1]. Вучылася ў А. Мазалёва, П. Масленікава^[4][2]. З 1965 года працуе на Мінскай мастацка-галантарэйнай фабрыцы, дзе заснавала промысел саломапляцення^[1].

Удзельнік мастацкіх выставак з 1960 года. Член Беларускага саюза мастакоў з 1986 года. Жыла ў Мінску^[4].

Творчасць

Павук, выраблены Агафоненка ў 1979 годзе, на паштовай марцы Беларусі

Майстар дэкаратыўна-прыкладнога мастацтва, рабіла роспіс па тканіне, апошнія гады працавала ў тэхніцы саломкі^[2][4].

Аддавала перавагу кампазіцыям на матывы народных святаў і абрадаў, анімалістычнаму жанру^[1].

Асноўныя творы: кампазіцыі «Маладая маці», «Па грыбы», «Пастух», «Гануля», «Ехаў дзед на кірмаш», «Каляднікі», «Настачка», шматлікія саламяныя конікі і павукі. Творы знаходзяцца ў Нацыянальным мастацкім музеі Беларусі, Музеі старажытнабеларускай культуры НАН Беларусі^[2][4].

Зноскі

1. Агафоненка Таіса Паўлаўна // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).
2. Pawlik z Wólki czyli Paweł Gawryluk. Pojechali ze strachu
3. Наталля РУСАК. Мроя-конь Таісы Агафоненка Архівавана 5 сакавіка 2022. // «Культура». 10 (828) 08.03.2008
4. Агафоненка Таіса Паўлаўна // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.