Увярэднік балотны

Увярэ́днік балотны^[1] (Pedicularis palustris) — від кветкавых раслін роду Увярэднік (Pedicularis) сямейства Залознікавыя (Scrophulariaceae).

Увярэднік балотны
Кветка
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ясноткакветныя Сямейства:  Заразіхавыя Трыба:  Pedicularideae Род:  Увярэднік Від:  Увярэднік балотны
Міжнародная навуковая назва
Pedicularis palustris L., Sp. Pl. 2: 607 (1753)
Сінонімы
Pedicularis erecta Gilib. Pedicularis palustris f. palustris Pedicularis palustris subsp. palustris
Падвіды
Pedicularis palustris subsp. borealis (J.W.Zetterst.) Hyl. Pedicularis palustris subsp. opsiantha (Ekman) Almq.
Ахоўны статус
Выклікаюць найменшыя асцярогі IUCN 3.1 Least Concern : / 19620542
Сістэматыка на Віківідах Выявы на Вікісховішчы ITIS   504165 NCBI   462877 EOL   486609 GRIN   t:27084 IPNI   807439-1 TPL   kew-2542534

Назвы

Увярэднік балотны^[1], прорва, ваўчкі, гніднік, падсаднік, ушывая трава, вашыная трава^[1], тваражаўнік, зязюліна мыла^[1], насаднік, завушніца^[1].

Батанічнае апісанне

Батанічная ілюстрацыя з кнігі Яна Копса «Flora Batava», 1800—1934

Двухгадовая травяністая расліна вышынёй 20—60^[1] см. Корань тонкі. Сцябло прамастойнае, часам разгалінаванае ў верхняй частцы, чырванаватага колеру. Лісце чаргаванае, часам амаль супраціўнае, перыстарассечанае, з зубчастым краем, апушанае. Сцябловае лісце сядзячае, прыкаранёвае — з кароткімі чаранкамі. Кветкі фіялетава-ружовыя, з 5 пялёсткамі. Суквецце — рэдкая гронка. Плод — каробачка.

Распаўсюджанне і экалогія

Расліна распаўсюджана на тэрыторыі Еўразіі і Паўночнай Амерыкі (Канада). Святлолюбівая, ценевынослівая расліна^[2]. Мезафіт, гіграфіт, алігатроф і мезатроф^[2]. Расце па берагах вадаёмаў, на забалочаных лугах і балотах, у прыбярэжных і пойменных хмызняках. Цвіце ў чэрвені—ліпені^[1].

Лекавая і дэкаратыўная расліна.

Ахоўваецца ў шэрагу рэгіёнаў Расіі і Украіны, у Эстоніі^[2].

Зноскі

1. Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.
2. Мытник болотный: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)