Уладзімір Аляксандравіч Ганскі

У Вікіпедыі ёсць артыкулы пра іншых людзей з прозвішчам Ганскі.

Уладзімір Аляксандравіч Ганскі (нар. 2 снежня 1986, Наваполацк, Віцебская вобласць) — беларускі навуковец, доктар эканамічных навук, кандыдат гістарычных навук, дацэнт.

Уладзімір Аляксандравіч Ганскі
Дата нараджэння	2 снежня 1986(1986-12-02) (38 гадоў)
Месца нараджэння	Наваполацк, Віцебская вобласць, Беларусь
Грамадзянства	Беларусь
Род дзейнасці	навуковец, выкладчык універсітэта
Навуковая сфера	эканоміка і гісторыя
Месца працы	Полацкі дзяржаўны ўніверсітэт імя Ефрасінні Полацкай Інстытут прадпрымальніцкай дзейнасці
Навуковая ступень	доктар эканамічных навук (2021) і кандыдат гістарычных навук (2020)
Навуковае званне	дацэнт
Альма-матар	Полацкі дзяржаўны ўніверсітэт імя Ефрасінні Полацкай (2010)
Навуковы кіраўнік	Марыя Ігараўна Фляйчук і Ірына Іванаўна Калачова

Біяграфічныя звесткі

Выпускнік гісторыка-філалагічнага факультэта Полацкага дзяржаўнага ўніверсітэта, дзе атрымаў кваліфікацыю гісторыка, выкладчыка гісторыі і сацыяльна-гуманітарных дысцыплін^[1]. Паралельна атрымаў кваліфікацыю эканаміста-менеджэра, пасля таксама прайшоў перападрыхтоўку па культуралогіі. Скончыў аспірантуру Львоўскай камерцыйнай акадэміі Укаапсаюзу^[2] ў Львове і Рэспубліканскага інстытута вышэйшай школы^[3] ў Мінску.

Дысертацыю на саісканне вучонай ступені кандыдата эканамічных навук па спецыяльнасці «Эканоміка і кіраванне нацыянальнай гаспадаркай», выкананую пад навуковым кіраўніцтвам прафесара Марыі Фляйчук, абараніў у 2015 годзе ў Львоўскай камерцыйнай акадэміі Укаапсаюзу. Тэма дысертацыі: «Механізм функцыянавання нацыянальнага рынку турыстычных паслуг»^[4][5].

Дысертацыю на саісканне вучонай ступені кандыдата гістарычных навук па спецыяльнасці «Айчынная гісторыя», выкананую пад навуковым кіраўніцтвам прафесара Ірыны Калачовай, абараніў у 2020 годзе ў Магілёўскім дзяржаўным універсітэце імя Аркадзя Куляшова. Тэма дысертацыі: «Развіццё турызму ў Заходняй Беларусі (1921—1939 гг.)»^[6][7].

2 чэрвеня 2021 года Прэзідыум Вышэйшай атэстацыйнай камісіі Рэспублікі Беларусь прысвоіў яму навуковае званне дацэнта.

20 красавіка 2021 года ў Львоўскім гандлёва-эканамічным універсітэце абараніў дысертацыю на тэму «Тэарэтыка-метадалагічныя асновы кіравання рэсурсамі спадчыны ў сістэме нацыянальнай эканомікі» на саісканне навуковай ступені доктара эканамічных навук па спецыяльнасці «Эканоміка і кіраванне нацыянальнай гаспадаркай». 29 чэрвеня 2021 года Міністэрства адукацыі і навукі Украіны загадам № 735 зацвердзіла рашэнне аб прысуджэнні яму навуковай ступені доктара эканамічных навук.

Пачаў працаваць у 2006 годзе ў навукова-даследчым сектары Полацкага ўніверсітэта. У 2007—2009 гадах працаваў на прадпрыемствах турыстычнай сферы, у тым ліку экскурсаводам, дырэктарам. У 2009 годзе пачаў працаваць у аддзеле па турызме Полацкага ўніверсітэта, затым выкладаў на спартыўна-педагагічным (2010—2012) і фінансава-эканамічным (2012—2017) факультэтах ПДУ, працуючы на пасадах выкладчыка-стажора, асістэнта, старшага выкладчыка і дацэнта. З 2018 па 2024 год працаваў старшым навуковым супрацоўнікам, дацэнтам кафедры эканомікі і кіравання, дацэнтам кафедры бізнес-адміністравання і маркетынгу Інстытута прадпрымальніцкай дзейнасці ў Мінску. У 2021—2023 гадах прымаў удзел у выкананні навукова-даследчых праектаў у Інстытуце эканомікі і бізнес-адміністравання Універсітэта Цэнтральнага Кітая.

Стажыраваўся ў вышэйшых навучальных установах і навуковых арганізацыях у Чэхіі, Польшчы і Літве.

Навуковая дзейнасць

Займаецца даследаваннем тэорыі і практыкі кіравання новымі рэсурсамі ў сістэме сучаснай эканомікі, эканамічнай урбаністыкі і рэвіталізацыі, устойлівага сацыяльна-эканамічнага развіцця гістарычных паселішчаў і мясцін, пытаннямі кіравання і выкарыстання ў гаспадарчай дзейнасці аб’ектаў культурнай і прыроднай спадчыны, а таксама гісторыі, эканомікі і арганізацыі турызму, механізмаў функцыянавання нацыянальнага і міжнароднага рынкаў турыстычных паслуг і інш. Таксама займаецца гісторыка-краязнаўчым вывучэннем паўночнай і паўночна-заходняй Беларусі, пытаннямі кластарызацыі, трансгранічнага і міжнароднага супрацоўніцтва і інш. З'яўляўся сябрам рэдакцыйнай калегіі навуковага часопіса Весці Інстытута прадпрымальніцкай дзейнасці.

Аўтар каля 200 навуковых публікацый, у тым ліку больш 20 манаграфій і вучэбна-метадычных выданняў, а таксама артыкулаў у беларускіх і замежных навуковых часопісах, выданнях індэксаваных у базах Scopus i Web of Science і інш. Арганізатар і суарганізатар шматлікіх міжнародных навуковых і навукова-практычных канферэнцый, прысвечаных пытанням устойлівага развіцця, бізнеса і прадпрымальніцтва, культурнай і прыроднай спадчыны, краязнаўства ў Мінску, Гданьску, Віцебску, Полацку, Наваполацку, Верхнядзвінску, Браславе і інш.

Прызнанне і ўзнагароды

• У 2023 годзе яго кніга «Турызм у Заходняй Беларусі» (Мінск, 2022) увайшла ў шорт-ліст Прэміі Міжнароднага Кангрэса даследчыкаў Беларусі^[8].
• Прэмія Наваполацкага гарадскога выканаўчага камітэта ў галіне інавацый і навуковай дзейнасці^[9] (2016)
• Грамата Полацкага дзяржаўнага ўніверсітэта (2014)
• Прэмія Віцебскага абласнога выканаўчага камітэта таленавітым маладым навукоўцам^[10] (2013)

Зноскі

1. База данных «Ученые Беларуси»
2. Випускники аспірантури Львівського торговельно-економічного університету (Львівської комерційної академії) за 2015—2021 роки
3. Защитившиеся аспиранты кафедры историко-культурного наследия Беларуси ГУО РИВШ (нявызн.)(недаступная спасылка). Архівавана з першакрыніцы 4 мая 2023. Праверана 4 мая 2023.
4. Засідання спеціалізованої вченої ради Львівської комерційної академії від 16 вересня 2015 р.(недаступная спасылка)
5. ПГУ: Поздравляем В. А. Ганского с успешной защитой кандидатской диссертации Архівавана 8 студзеня 2021.
6. 7 октября 2020 г. в МГУ им. А. А. Кулешова состоялась защита диссертации В. А. Ганского (нявызн.)(недаступная спасылка). Архівавана з першакрыніцы 22 кастрычніка 2020. Праверана 5 студзеня 2021.
7. Постановление Президиума ВАК Республики Беларусь от 9 декабря 2020 г. Архівавана 22 ліпеня 2021.
8. Шорт-ліст Прэміі Кангрэса — 2023
9. XIV Новополоцкий городской молодежный форум Архівавана 26 снежня 2019.
10. БелТА: Премии Витебского облисполкома вручены талантливым молодым ученым и специалистам