Уладзімір Аляксандравіч Целяпнёў

Уладзімір Аляксандравіч Целяпнёў^[1] (руск.: Владимир Николаевич Телепнёв; нар. 28 ліпеня 1931) — беларускі вучоны ў галіне ветэрынарнай медыцыны, кандыдат біялагічных навук, доктар ветэрынарных навук (1983), прафесар (1985).

Уладзімір Аляксандравіч Целяпнёў
Дата нараджэння	28 ліпеня 1931(1931-07-28) (94 гады)
Месца нараджэння	Апочка, Апочацкі раён, Ленінградская вобласць, РСФСР, СССР
Грамадзянства	СССР  Беларусь
Род дзейнасці	навуковец
Навуковая сфера	ветэрынарная медыцына
Месца працы	Віцебская дзяржаўная акадэмія ветэрынарнай медыцыны
Навуковая ступень	доктар ветэрынарных навук
Навуковае званне	прафесар
Альма-матар	Віцебская дзяржаўная акадэмія ветэрынарнай медыцыны

У Вікіпедыі ёсць артыкулы пра іншых людзей з прозвішчам Целяпнёў.

Біяграфія

Нарадзіўся ў горадзе Апочка (сучасны адміністрацыйны цэнтр Апочацкага раёна Пскоўскай вобласці Расіі). У 1954 годзе скончыў Віцебскі ветэрынарны інстытут і працаваў у ім з 1964 па 2001 год на кафедры клінічнай дыягностыкі. У 1983 годзе абараніў доктарскую дысертацыю на тэму «Язвенный гастрит и гастроэнтерит у свиней (патогенез, диагностика, терапия и профилактика)»^[2].

Навуковая дзейнасць

У. М. Целяпнёву належаць навуковыя працы па паталогіі і фізіялогіі стрававальнай сістэмы свіней. Займаўся распрацоўкай хірургічных, функцыянальных і біяхімічных метадаў даследавання страўніка, печані, кішэчніка, падстраўнікавай залозы. Аўтар і сааўтар шэрагу выданняў, у тым ліку падручнікаў і даведнікаў, рацыяналізатарскіх прапаноў, аўтарскіх пасведчанняў^[2].

Сярод апублікаванага:

• Внутренние незаразные болезни сельскохозяйственных животных. — М., 1991. (у сааўтарстве);
• Основные симптомы и синдромы болезней животных. — Витебск, 2000.^[1]

Зноскі

1. Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17.
2. Гісторыя кафедры клінічнай дыягностыкі Віцебскай дзяржаўнай акадэміі ветэрынарнай медыцыны Архівавана 10 жніўня 2019. (руск.)