Уладзімір Анатольевіч Гошын

Уладзі́мір Анато́льевіч Го́шын (нар. 31 жніўня 1962, сяло Джурун Мугалжарскага раёна Акцюбінскай вобласці, Казахстан) — беларускі дзяржаўны дзеяч і дыпламат.

Уладзімір Гошын
Надзвычайны і Паўнамоцны Пасол Рэспублікі Беларусь у Сацыялістычнай Рэспубліцы В'етнам 13 чэрвеня 2016 — 10 лютага 2022
Папярэднік	Валерый Садоха
Пераемнік	Уладзімір Баравікоў
Надзвычайны і Паўнамоцны Пасол Рэспублікі Беларусь у Рэспубліцы Індыя 30 чэрвеня 2011 — 13 снежня 2011
Прэзідэнт	Аляксандр Лукашэнка
Кіраўнік урада	Міхаіл Мясніковіч
Папярэднік	Алег Лапцёнак
Пераемнік	Віталь Прыма
Нараджэнне	31 жніўня 1962(1962-08-31) (63 гады) Джурун[d], Q20098415?, Мугалжарскі раён[d], Акцюбінская вобласць, Казахская ССР, СССР
Адукацыя	Мінскі дзяржаўны педагагічны інстытут замежных моў (1984) Расійская мытная акадэмія (1999)
Дзейнасць	дыпламат
Ваенная служба
Званне	Дзяржаўны саветнік мытнай службы III рангу Дзяржаўны саветнік мытнай службы III рангу

Біяграфія

Працаваў настаўнікам англійскай мовы Сольскай сярэдняй школы Смаргонскага раёна Гродзенскай вобласці.

З 1988 года паступіў на службу ў мытныя органы. Праходзіў службу ў Мінскай рэгіянальнай мытні, ДМК Беларусі, Упраўленні знешнепалітычнай і знешнеэканамічнай дзейнасці Кіраўніцтва справамі Савета Міністраў Беларусі. У 1994—1997 гадах — начальнік аддзела, намеснік начальніка Мінскай рэгіянальнай мытні. У 1997—1998 гадах — галоўны спецыяліст Дзяржаўнага сакратарыята Савета бяспекі Беларусі.

Быў намеснікам Старшыні Дзяржаўнага мытнага камітэта Рэспублікі Беларусь. 26 лютага 2008 года атрымаў пасаду першага намесніка^[1]. 30 чэрвеня 2011 года сыйшоў у адстаўку з гэтай пасады і прызначаны Надзвычайным і Паўнамоцным Паслом Рэспублікі Беларусь у Рэспубліцы Індыя^[2], адстаўлены быў 13 снежня 2011 года^[3].

З 1 лютага 2012 года па 31 студзеня 2016 года — член Калегіі (Міністр) па мытным супрацоўніцтве Еўразійскай эканамічнай камісіі.

13 чэрвеня 2016 года быў прызначаны Надзвычайным і Паўнамоцным Паслом Рэспублікі Беларусь у Сацыялістычнай Рэспубліцы В'етнам, Надзвычайным і Паўнамоцным Паслом Рэспублікі Беларусь у Каралеўстве Камбоджа па сумяшчальніцтве^[4]. 15 снежня таго ж года прызначаны амбасадарам у Лаосе, М'янме і Тайландзе па сумяшчальніцтве^[5]. Вызвалены ад гэтых пасад 10 лютага 2022 года^[6].

Зноскі

1. Указ Президента Республики Беларусь от 26 февраля 2008 г. № 117 «О назначении В.А.Гошина первым заместителем Председателя Государственного таможенного комитета Республики Беларусь»(недаступная спасылка) (руск.)
2. Указ Президента Республики Беларусь от 30 июня 2011 г. № 291 «О назначении В. А. Гошина»(недаступная спасылка) (руск.)
3. Указ Президента Республики Беларусь от 13 декабря 2011 г. № 582 «Об освобождении от должности В.А.Гошина» (1/13148) Архівавана 24 верасня 2015. (руск.)
4. Аляксандр Лукашэнка разгледзеў кадравыя пытанні (нявызн.). Афіцыйны інтэрнэт-партал Прэзідэнта Рэспублікі Беларусь (13 чэрвеня 2016).
5. Президент Республики Беларусь Александр Лукашенко рассмотрел кадровые вопросы
6. Указ Президента Республики Беларусь от 10 февраля 2022 г. № 41