Уладзімір Уладзіміравіч Карызна

У Вікіпедыі ёсць артыкулы пра іншых людзей з прозвішчам Карызна.

Уладзі́мір Уладзі́міравіч Кары́зна (нар. 30 верасня 1962(1962-09-30), Опса, Віцебская вобласць) — беларускі кампазітар.

Уладзімір Уладзіміравіч Карызна
Дата нараджэння	30 верасня 1962(1962-09-30) (62 гады)
Месца нараджэння	Опса, Опсаўскі сельсавет, Браслаўскі раён, Віцебская вобласць, Беларуская ССР, СССР
Краіна	Беларусь
Бацька	Уладзімір Іванавіч Карызна
Альма-матар	Беларуская дзяржаўная акадэмія музыкі
Месца працы	Нацыянальная дзяржаўная тэлерадыёкампанія Рэспублікі Беларусь Беларусьфільм Беларуская дзяржаўная акадэмія сувязі
Музычная дзейнасць
Педагог	Яўген Аляксандравіч Глебаў
Прафесіі	кампазітар
Грамадская дзейнасць
Член у	Беларускі саюз кампазітараў

Біяграфія

Нарадзіўся 30 верасня 1962 года ў г. п. Опса Браслаўскага раёна Віцебскай вобласці.

Пасля школы скончыў музычнае вучылішча, служыў у войску.

У 1990 годзе скончыў Беларускую дзяржаўную кансерваторыю па спецыяльнасці «кампазіцыя» прафесара Яўгена Глебава. Член Беларускага саюза кампазітараў з 1991 года.

Працаваў у 1995—1997 гадах на Беларускім тэлебачанні, у 1998—1999 гадах на кінастудыі «Беларусьфільм». З 2005 года працуе мастацкім кіраўніком творчага аб’яднання «Прэм’ера» Вышэйшага дзяржаўнага каледжу сувязі.

Творчасць

Працуе ў розных музычных жанрах. Напісаў харавыя цыклі на вершы Максіма Багдановіча і Уладзіміра Карызны-старэйшага, сімфанічныя паэмы, інструментальныя і эстрадныя п’есы, апрацоўкі беларускіх народных песняў, творы для дзяцей, песні.

Прэміі і ўзнагароды

• Лаўрэат рэспубліканскіх конкурсаў патрыятычнай песні 1989, 1990 гг.
• II прэмія і ганаровы прыз Федэрацыі прафсаюзаў беларускай на II рэспубліканскім конкурсе ваенна-патрыятычнай песні 1995 года.
• Пераможца рэспубліканскага конкурсу песняў, прысвечаных горада Мінска (1999)
• Аўтар песні-пераможцы на Усерасійскім конкурсе салдацкай песні ў намінацыі «Песні сучасных аўтараў» (2002)
• Уладальнік дыплому і спецпрыза «Найлепшая песня X Рэспубліканскага конкурсу маладых эстрадных выканаўцаў „Белазаўскі акорд“» (2011)
• Граматы Міністэрства сувязі і інфарматызацыі Беларусі

Сям’я

Жанаты, жонка Святлана — піяністка. Старэйшая дачка Анастасія — скрыпачка^[1], сын Іван — віяланчэліст, ^[2].