Уладзімір Маркавіч Благадарны

Уладзімір Маркавіч Благадарны (26 красавіка 1937, с. Старавераўка, Старавераўскі раён, Харкаўская вобласць, Украіна — 10 чэрвеня 2014) — спецыяліст у галіне машыназнаўства, сістэм прывадаў і дэталей машын. Доктар тэхнічных навук (1990), прафесар (1991). Акадэмік Беларускай інжынернай тэхналагічнай акадэміі (1997), Беларускай інжынернай акадэміі (1999).

Уладзімір Маркавіч Благадарны
Дата нараджэння	26 красавіка 1937(1937-04-26)
Месца нараджэння	Харкаўская вобласць, УССР, СССР
Дата смерці	10 чэрвеня 2014(2014-06-10) (77 гадоў)
Грамадзянства	СССР  Беларусь
Род дзейнасці	навуковец, выкладчык універсітэта
Навуковая сфера	машынабудаванне
Месца працы	Інстытут машыназнаўства АН БССР інжынерны факультэт БарДУ Магілёўскі машынабудаўнічы інстытут Тэхнічны ўніверсітэт у Кошыцах
Навуковая ступень	доктар тэхнічных навук (1990)
Навуковае званне	прафесар (1991) акадэмік Беларускай інжынернай тэхналагічнай акадэміі[d] (1997) акадэмік Беларускай інжынернай акадэміі (1999)
Альма-матар	Санкт-Пецярбургскі дзяржаўны ўніверсітэт прамысловых тэхналогій і дызайну (1960)
Узнагароды

Біяграфія

Скончыў Ленінградскі тэкстыльны інстытут імя С. М. Кірава (спецыяльнасць «Машыны і апараты вытворчасцей лёгкай і тэкстыльнай прамысловасці», 1960), Інстытут машыназнаўства і аўтаматызацыі АН БССР (аспірантура, 1965).

Працаваў у Інстытуце машыназнаўства і аўтаматызацыі АН БССР (1965—1967), Магілёўскім машынабудаўнічым інстытуце (1968—1999), Тэхнічным ўніверсітэце ў Кошыцах (Славакія, 1999—2005), Баранавіцкім дзяржаўным універсітэце (з 2006, інжынерны факультэт, кафедра тэхналогіі машынабудавання, прафесар).

Навуковыя інтарэсы: машыназнаўства і дэталі машын; сістэмы прывадаў; надзейнасць тэхнічных сістэм; тэхналогія машынабудавання.

Узнагароды

Званне «Ветэран працы».

Бібліяграфія

• Биотопливо и его использование : монография / В. М. Благодарный [и др.]. — Барановичи, 2012.
• Прогнозирование надежности и функциональной безопасности технических систем : монография / В. М. Благодарный, В. И. Кочурко. — Барановичи, 2010.
• Расчет мелкомодульных зубчатых передач на износ и прочность / В. М. Благодарный. — Москва, 1985.
• Червячные передачи: общие сведения, расчеты, динамика и надежность : монография / В. Благодарный [и др.]. — Барановичи, 2014.

Зноскі