Уладзімір Сяргеевіч Паўлоўскі

Уладзімір Сяргеевіч Паўлоўскі (нар. 5 ліпеня 1994, в. Малькі, Горацкі раён, Магілёўская вобласць) — дэпутат Палаты прадстаўнікоў Нацыянальнага сходу Рэспублікі Беларусь з 2024 года.

Уладзімір Сяргеевіч Паўлоўскі
дэпутат Палаты прадстаўнікоў Нацыянальнага сходу Рэспублікі Беларусь[d] з 2024
Нараджэнне	5 ліпеня 1994(1994-07-05) (31 год) Малькі, Горскі сельсавет, Горацкі раён, Магілёўская вобласць, Беларусь
Партыя	Рэспубліканская партыя працы і справядлівасці
Адукацыя	МДУ імя А. А. Куляшова Беларуская дзяржаўная сельскагаспадарчая акадэмія
Месца працы	Магілёўскі мясакамбінат[d]
Узнагароды	Ганаровая грамата Магілёўскага абласнога выканаўчага камітэта[d]

У Вікіпедыі ёсць артыкулы пра іншых людзей з прозвішчам Паўлоўскі.

Біяграфія

Нарадзіўся 5 ліпеня 1994 года ў вёсцы Малькі Горацкага раёна Магілёўскай вобласці^[1].

Скончыў Магілёўскі дзяржаўны ўніверсітэт імя А. А. Куляшова па спецыяльнасці «Фізіка. Матэматыка»; магістратуру МДУ імя А. А. Куляшова па спецыяльнасці «Фізіка»; Беларускую сельскагаспадарчую акадэмію па спецыяльнасці «Маркетынг»^[1].

Працаваў настаўнікам фізікі ў Сярэдняй школе № 28 г. Магілёва; настаўнікам фізікі і матэматыкі ў Сярэдняй школе № 4 г. Горкі; першым сакратаром Горацкага раённага камітэта грамадскага аб’яднання «Беларускі рэспубліканскі саюз моладзі»; першым сакратаром Магілёўскага абласнога камітэта грамадскага аб’яднання «Беларускі рэспубліканскі саюз моладзі»; намеснікам генеральнага дырэктара па ідэалагічнай рабоце і быце Магілёўскага мясакамбіната^[1].

Член Рэспубліканскай партыі працы і справядлівасці^[1].

У 2024 годзе выбраны дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Горацкай акругі № 82. Член Пастаяннай камісіі па ахове здароўя, фізічнай культуры, сямейнай і маладзёжнай палітыцы^[1].

Узнагароды

Узнагароджаны ганаровымі граматамі Цэнтральнага камітэта грамадскага аб’яднання «Беларускі рэспубліканскі саюз моладзі», Магілёўскага абласнога выканаўчага камітэта^[1].

Сям’я

Жанаты, выхоўвае дачку^[1].