Урода

Урода, У́рада — возера ў Лепельскім раёне Віцебскай вобласці. Знаходзіцца за 27 км на паўночны ўсход ад Лепеля, каля вёскі Заслаўкі ў басейне ракі Дзіва. Належыць да групы Ушацкіх азёр.

Урода
Морфаметрыя
Вышыня над узроўнем мора	130,2[1] м
Даўжыня	3,4 км
Шырыня	0,8 км
Плошча	1,52 км²
Аб’ём	0,00596 км³
Даўжыня берагавой лініі	8,8 км
Найбольшая глыбіня	6,5 м
Сярэдняя глыбіня	3,9 м
Гідралогія
Салёнасць	да 0,22 ‰
Празрыстасць	1 м
Басейн
Плошча вадазбору	9,95 км²
Упадаюць	ручаі
Выцякаюць	рака Дзіва
Размяшчэнне
Краіна	Беларусь
Урода
Урода

Плошча паверхні возера складае 1,52^[2] км². Даўжыня 3,4 км, найбольшая шырыня 0,8 км. Даўжыня берагавой лініі 8,8 км. Найбольшая глыбіня 6,5^[2] м, сярэдняя 3,9^[2] м. Аб'ём вады ў возеры 5,96 млн. м³. Плошча вадазбору 9,95 км².
Катлавіна возера лагчыннага тыпу, выцягнутая з поўначы на поўдзень. Схілы катлавіны вышынёй 2—5 метраў, месцамі да 30 метраў. Берагавая лінія ўтварае некалькі заліваў. Берагі нізкія, спадзістыя. Літаральная і сублітаральная зоны ўздоўж заходняга і ўсходняга берагоў возера стромкія. Дно плоскае. На возеры 2 вострава агульнай плошчай каля 0,7 га. Узбярэжная частка дна возера выслана заіленым пяском, глыбакаводная — гліністым ілам.
Возера эўтрофнае, слабапраточнае. Упадаюць ручаі, выцякае рака Тураўлянка (Дзіва). Злучана пратокамі з двума^[2] азёрамі. Расліннасць пашыраецца да глыбіні 2 м і займае палосу шырынёй 10—100 м.

У возеры водзяцца шчупак, лешч, акунь, плотка, краснапёрка, гусцяра і іншыя віды рыб. Сустракаецца вугор^[2].

Гл. таксама

• Возера Чорная Урада

Зноскі

1. Беларусь. Ушачско-Лепельский озёрный край: карта для рыбака / Ред. С. Н. Саратова. — Мн.: Белкартография, 2009. — 3 000 экз. (руск.)
2. Калечыц В. А. Урада // Энцыклапедыя прыроды Беларусі. У 5-і т. Т.5. Стаўраструм — Яшчур / Рэдкал.: І. П. Шамякін (гал. рэд.) і інш. — Мн.: БелСЭ, 1986. — Т. 5. — С. 165. — 583 с. — 10 000 экз.