Усевалад Сяргеевіч Садоўскі

У Вікіпедыі ёсць артыкулы пра іншых людзей з прозвішчам Садоўскі.

Усевалад Садоўскі (нар. 4 кастрычніка 1996, Мінск) — беларускі футбаліст, нападнік казахстанскага клуба «Ардабасы» з Шымкента.

Усевалад Садоўскі
Поўнае імя	Усевалад Сяргеевіч Садоўскі
Нарадзіўся	4 кастрычніка 1996(1996-10-04)[1] (28 гадоў) Мінск, Беларусь
Грамадзянства	Беларусь
Рост	193 см
Вага	82 кг[2]
Пазіцыя	нападнік
Інфармацыя пра клуб
Клуб	Ардабасы
Нумар	39
Клубная кар’ера[* 1]
2014—2015 Мінск 0 (0) 2016—2019 Энергетык-БДУ (Мінск) 81 (37) 2019—2020 Дынама (Брэст) 9 (0) 2019 →  Энергетык-БДУ (Мінск) 6 (3) 2020—2021 Рух (Брэст) 33 (13) 2022— Ардабасы (Шымкент) 1 (0)
Нацыянальная зборная[* 2]
2016 Беларусь (да 21) 1 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 17 сакавіка 2022. Колькасць гульняў і галоў за нацыянальную зборную ў афіцыйных матчах, адкарэктавана станам на 17 красавіка 2019

Клубная кар’ера

Пачынаў займацца футболам у мінскай СДЮШАР «Дынама», пазней гуляў у юнацкіх камандах сталічнага МТЗ-РІПА і барысаўскага БАТЭ. Ва ўзросце 15 гадоў пакінуў футбол^[3], аднак праз два гады вярнуўся, далучыўшыся да «Мінска», дзе неўзабаве стаў гуляць за дубль. Па заканчэнні сезона 2015 сталічным клуб не стаў падаўжаць кантракт з нападнікам.

У пачатку 2016 года праходзіў прагляд у екацярынбургскім «Урала», які ўзначальваў былы трэнер «Мінска» Вадзім Скрыпчанка, аднак у выніку падпісаў кантракт з мінскай «Зоркай-БДУ»^[4]. Першую палову сезона 2016 прапусціў з-за траўмы, з ліпеня замацаваўся ў асноўным складзе каманды. У сезоне 2017 заставаўся трывалым іграком стартовага складу каманды, якая змяніла назву на «Энергетык-БДУ». У сезоне 2018 з 21 голам стаў найлепшым бамбардзірам Першай лігі (хоць у ліпені не гуляў з-за траўмы) і дапамог камандзе выйсці ў Вышэйшую лігу.

У сезоне 2019 заставаўся асноўным нападнікам сталічнай каманды. У ліпені 2019 года падпісаў кантракт з брэсцкім «Дынама», аднак застаўся ў «Энергетыку-БДУ» на правах арэнды да канца сезона^[5]. З кастрычніка 2019 года не гуляў з-за траўмы. У снежні 2019 года вярнуўся з арэнды ў «Дынама»^[6]. Да сезона 2020 рыхтаваўся разам з брэсцкай камандай і пачаў у яе складзе чэмпіянат, але замацавацца не здолеў, звычайна выхадзіў на замену.

У ліпені 2020 года перайшоў у брэсцкі «Рух»^[7]. У сезоне 2020 гуляў пераважна ў стартавым складзе каманды, за 9 матчаў у Вышэйшай лізе забіў 9 галоў. У 2021 годзе часцей выхадзіў на замену.

У пачатку 2022 года рыхтаваўся да новага сезона з «Рухам», а ў сакавіку, пасля таго як брэсцкі клуб зняўся з Вышэйшай лігі, далучыўся да казахстанскага «Ардабасы», які ўзначальваў былы трэнер «Руха» Аляксандр Сяднёў, і неўзабаве падпісаў кантракт з клубам^[8].

Міжнародная кар’ера

11 лістапада 2016 года згуляў свой адзіну матч у моладзевай зборнай Беларусі, правёўшы на полі першы тайм у таварыскай сустрэчы з Украінай (0:1).

Дасягненні

• Уладальнік Суперкубка Беларусі: 2020
• Найлепшы бамбардзір Першай лігі чэмпіянату Беларусі: 2018
• 01 Чэмпіён Казахстана: 2023
• Уладальнік Кубка Казахстана: 2022

Статыстыка выступленняў

Сезон	Дывізіён	Клуб	Краіна	Матчы	Галы
2014	дубль	Мінск		8	0
2015	дубль	Мінск		12	3
2016	Д2	Зорка-БДУ		12	3
2017	Д2	Энергетык-БДУ		29	7
2018	Д2	Энергетык-БДУ		24	21
2019	Д1	Энергетык-БДУ		22	9
2020 (1)	Д1	Дынама		9	0
2020 (2)	Д1	Рух		9	9
2021	Д1	Рух		24	4

Грамадзянская пазіцыя

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі^[9].