Уільям Батлер Ейтс

Уільям Батлер Ейтс (англ.: William Butler Yeats) (13 чэрвеня 1865 — 28 студзеня 1939) — ірландскі англамоўны пісьменнік, паэт, драматург. Лаўрэат Нобелеўскай прэміі па літаратуры (1923).

Уільям Батлер Ейтс
англ.: William Butler Yeats
Асабістыя звесткі
Дата нараджэння	13 чэрвеня 1865(1865-06-13)[1][2][…] ці 13 сакавіка 1865(1865-03-13)[3]
Месца нараджэння	Сандымаўнт[d], Злучанае каралеўства Вялікабрытаніі і Ірландыі[4][5]
Дата смерці	28 студзеня 1939(1939-01-28)[6][7][…] (73 гады)
Месца смерці	Ментона, Францыя або Ракебрун — Кап-Мартэн[d], canton of Menton-Ouest[d], акруга Ніца[d], дэпартамент Прыморскія Альпы, Францыя[8]
Пахаванне	Драмкліф[d][4]
Грамадзянства	Ірландская Свабодная дзяржава[4]
Бацька	Джон Батлер Ейтс[d][9]
Маці	Сьюзан Палексфен[d][9]
Жонка	Джорджы Хайд-Ліс[d]
Дзеці	Эн Ейтс[d] і Майкл Ейтс[d]
Альма-матар	Нацыянальны каледж мастацтва і дызайну[d] The High School, Dublin[d]
Прафесійная дзейнасць
Род дзейнасці	паэт, драматург, пісьменнік, палітык, містык, астролаг
Кірунак	сімвалізм
Мова твораў	англійская
Грамадская дзейнасць
Член у	Герметычны ордэн «Залатая зара»[d] Каралеўскае літаратурнае таварыства
Прэміі	член Каралеўскага літаратурнага таварыства[d]
Узнагароды	медаль Гётэ горада Франкфурта-на-Майне[d] (1934) Doctor of Letters[d]
Подпіс
Творы ў Вікікрыніцах
Медыяфайлы на Вікісховішчы
Цытаты ў Вікіцытатніку

Біяграфія

Нарадзіўся ў 1865 годзе ў прадмесці Дубліна, сын мастака Джона Батлера Ейтса і Сузан Мэры Палексфэн. У 1868 годзе сям’я пераязджае ў Лондан, дзе пасяляецца ў Бэдфард-парку, т.зв. «вёсцы прэрафаэлітаў», сярод якіх пачынаў Джон Батлер Ейтс. У 1881 годзе сям’я вяртаецца ў Дублін. Уільям Батлер Ейтс наведвае Муніцыпальную школу мастацтваў, дзе знаёміцца з Джорджам Расэлам, будучым паэтам і мастаком, які прыахвоціў Ейтса да вывучэння акультнай веды.

У 1885 годзе ў «Дублінскім універсітэцкім аглядзе» апублікаваны першы твор Ейтса — паэтычная драма «Выспа стодаў» (The Island of Statues). Ва ўніверсітэцкім дыскусійным клубе ў 1886 годзе пазнаёміўся з Джонам О’Ліры, удзельнікам ірландскага рэспубліканскага руху, што моцна паўплывала на ўсю яго літаратурную творчасць.

У 1887 годзе зноў разам з сям’ёй едзе ў Лондан. Тут адбылося знаёмства з Уільямам Морысам, найбуйнейшай постаццю сярод прэрафаэлітаў. У 1889 годзе выходзіць першы том твораў «Вандраванні Ойсіна і іншыя вершы» (The Wanderings of Oisin and Other Poems). Нацыянальная міфалогія трывала асталявалася ў яго творчасці. На многія гады актрыса і заўзятая прыхільніца ірландскай незалежнасці Мод Гон стала рамантычнай гераіняй вершаў Ейтса.

У 1893 годзе выходзіць у свет зборнік апавяданняў «Кельцкае сутонне» (The Celtic Twilight) — своеасаблівы сімвал Ірландскага Адраджэння.

Асноўныя творы

• «The Wanderings of Oisin», 1889 (зборнік вершаў);
• «The Countess Kathleen», 1892 (драма ў вершах);
• «The Celtic Twilight», 1893 (зборнік артыкулаў аб фальклоры Ірландыі);
• «The Land of Hearts Desire», 1894 (п’еса ў вершах);
• «A Book of Irish Verses», 1895 (анталогія ірландскіх балад);
• «Poems», 1895 (зборнік вершаў);
• «The Secret Rose», 1897 (зборнік казак);
• «The Wind among the Reeds», 1899 (паэма);
• «The Shadowy waters», 1900 (паэма, пераробленая ў драму);
• «Ideas of Good and Evil», 1903 (зборнік артыкулаў);
• «In the Seven Woods», 1903 (вершы на тэмы Ірландскага эпасу);
• «A Vision: An Explanation of Life Founded upon the Writings of Giraldus and upon Certain Doctrines Attributed to Kusta Ben Luka», 1925 (кніга эсэ).