Фаніпальскі сельсавет

Фа́ніпальскі сельсавет — адміністрацыйна-тэрытарыяльная адзінка ў складзе Дзяржынскага раёна Мінскай вобласці. Цэнтр — вёска Вязань.

Фаніпальскі сельсавет
Краіна	Беларусь
Уваходзіць у	Дзяржынскі раён
Уключае	33 населеныя пункты
Адміністрацыйны цэнтр	Вязань
Дата ўтварэння	23 сакавіка 1932
Насельніцтва (2019)	4 168
Часавы пояс	UTC+03:00
Афіцыйны сайт

Утвораны 23 сакавіка 1932 года як Фаніпальскі (Фаніпаль-Вязанскі) нацыянальны польскі сельсавет у складзе Койданаўскага нацыянальнага польскага раёна БССР. Цэнтр — вёска Вязань. З 29 чэрвеня 1932 года ў складзе Дзяржынскага раёна. 14 мая 1936 года рэарганізаваны ў беларускі сельсавет. У 1936 годзе цэнтр сельсавета перанесены ў вёску Падсасонне. З 31 ліпеня 1937 года ў складзе Мінскага раёна. Пасля ўвядзення абласнога падзелу 20 лютага 1938 года ў Мінскім раёне Мінскай вобласці. З 4 лютага 1939 года ў складзе Дзяржынскага раёна. 21 кастрычніка 1940 года ў склад новаўтворанага Дзяржынскага сельсавета перададзена вёска Нявелічы^[1]. 16 ліпеня 1954 года да сельсавета далучана тэрыторыя скасаванага Грычынскага сельсавета^[2], цэнтр сельсавета перанесены ў вёску Фаніпаль. 8 красавіка 1957 года ў склад сельсавета са Сталінскага сельсавета перададзены 9 населеных пунктаў (вёскі Гаёўка, Дубрава, Леднікі, Лісаўшчына, Машчонае, Уса, Хамічы, Цяўлава і Чэрнікаўшчына)^[3]. 23 снежня 1965 года цэнтр сельсавета вернуты ў вёску Вязань. 18 сакавіка 2011 года ўтвораны хутар Лізавецін^[4]. 29 снежня 2011 года скасаваны пасёлак Чаркасы (уключаны ў склад аграгарадка Чаркасы)^[5].

Насельніцтва сельсавета паводле перапісу 2009 года — 3385 чалавек^[6], з іх 87,4 % — беларусы, 7,3 % — рускія, 1,7 % — украінцы, 1,4 % — палякі^[7]; паводле перапісу 2019 года — 4168 чалавек^[8].

Зноскі

1. Указ Президиума Верховного Совета БССР от 21 октября 1940 г. Об образовании Дзержинского сельсовета в составе Дзержинского района, Минской области // Сборник законов Белорусской ССР и указов Президиума Верховного Совета Белорусской ССР: 1938-1955 гг. — Мн.: Изд. Президиума Верхов. Совета БССР, 1956. — 347 с.
2. Указ Президиума Верховного Совета БССР от 16 июля 1954 г. Об объединении сельских советов Минской области // Сборник законов Белорусской ССР и указов Президиума Верховного Совета Белорусской ССР: 1938-1955 гг. — Мн.: Изд. Президиума Верхов. Совета БССР, 1956. — 347 с.
3. Рашэнне выканкома Мінскага абласнога Савета дэпутатаў працоўных ад 8 красавіка 1957 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1957, № 5.
4. Решение Дзержинского районного Совета депутатов от 18 марта 2011 г. № 55 Об отнесении земель к категории сельского населенного пункта Архівавана 7 кастрычніка 2021.
5. «Об упразднении поселка Черкассы Фанипольского сельсовета Дзержинского района». Решение Дзержинского районного Совета депутатов от 29 декабря 2011 г. № 97(недаступная спасылка)
6. Колькасць насельніцтва населеных пунктаў Мінскай вобласці Беларусі паводле перапісу 2009 года
7. Этнічны склад насельніцтва сельсаветаў Беларусі паводле перапісу 2009 года
8. Колькасць насельніцтва населеных пунктаў Мінскай вобласці Беларусі паводле перапісу 2019 года