Фрэдэрык X

Фрэдэрык X (дацк.: Frederik André Henrik Christian; нар. 26 мая 1968 года) — кароль Даніі з 14 студзеня 2024 года.

Фрэдэрык X
дацк.: Frederik 10.
манарх Даніі з 14 студзеня 2024
Папярэднік	Маргрэтэ II
Нараджэнне	26 мая 1968(1968-05-26)[1][2] (57 гадоў) Rigshospitalet[d], Капенгаген
Род	Глюксбургі[d][3] і Глюксбургі
Імя пры нараджэнні	дацк.: Frederik André Henrik Christian
Бацька	Хенрык, прынц Дацкі[d][4]
Маці	Маргрэтэ II[4][5]
Жонка	Марыя Дацкая[d]
Дзеці	Крысціян[d][4], Ізабэла[d][4], Вінцэнт[d][4] і Жазефіна[d][4]
Веравызнанне	Царква Дацкага Народа
Член у	Міжнародны алімпійскі камітэт
Адукацыя	Орхускі ўніверсітэт (1995)[6] Гарвардскі ўніверсітэт (1993) Школа Крэбс[d] (1981) Школа Рашэ[d] (1983) Эрэгорская гімназія[d] (1986) Дацкі каралеўскі каледж абароны[d] (2002)
Навуковая ступень	кандыдат палітычных навук[d][6] (1995)
Аўтограф
Манаграма
Прыналежнасць	Данія
Род войскаў	узброеныя сілы Даніі[d]
Званне	адмірал[7] і генерал[7]
Узнагароды	Катэгорыя:Кавалеры ордэна Серафімаў (1993)
Медыяфайлы на Вікісховішчы

Біяграфія

Па бацькоўскай лініі належыць да французскага графскага дому Лабард дэ Манпеза. Па мацярынскай лініі належыць да дынастыі Глюксбургаў. Кароль Фрэдэрык — сын дацкай каралевы Маргрэтэ II і прапраўнук брытанскай каралевы Вікторыі.

Вывучаў паліталогію ў Орхускім універсітэце, з 1992 па 1993 гады вучыўся ў Гарвардскім універсітэце, у лютым 1995 года атрымаў навуковую ступень кандыдата палітычных навук. У 1994 годзе стажыраваўся ў місіі Даніі пры ААН у Нью-Ёрку. З кастрычніка 1998 па кастрычнік 1999 года быў першым сакратаром пасольства Даніі ў Парыжы. Служыў у дацкай арміі, у авіяцыі і на флоце. У прыватнасці, служыў у элітным падраздзяленні вадалазаў. З 2004 года — капітан-камандуючы флотам, падпалкоўнік арміі і авіяцыі. Удзельнічаў у палярнай экспедыцыі «Сірыус-2000».

З 22 лютага 2023 года па 16 красавіка 2023 года з’яўляўся часовым рэгентам пры сваёй маці, каралевы Маргрэтэ II, якая перанесла складаную аперацыю на спіне.

У навагоднім звароце 31 снежня 2023 года каралева Маргрэтэ II абвясціла аб сваім адрачэнні. 14 студзеня 2024 года, у дзень 52-й гадавіны пачатку свайго праўлення, Маргрэтэ II адраклася ад прастола на пасяджэнні Дзяржаўнай рады ў палацы Крысціянсборг. Пасля гэтага на балконе палаца прэм’ер-міністр Метэ Фрэдэрыксен абвясціла Фрэдэрыка X новым каралём Даніі.

14 мая 2004 года тады яшчэ наследны прынц Фрэдэрык ажаніўся з аўстралійкай Мэры Элізабэт Дональдсан, якая ў дзень вяселля атрымала тытул кронпрынцэсы Даніі. 15 кастрычніка 2005 года ў наследнага прынца і прынцэсы нарадзіўся сын, прынц Крысціян Вальдэмар Анры Джон, які з’яўляецца цяпер першым у чарзе на дацкі трон. Яго хрышчэнне адбылося 21 студзеня 2006 года ў палацавай капліцы Крысціянсборга. 21 красавіка 2007 года ў наследнага прынца Фрэдэрыка і кронпрынцэсы нарадзілася дачка, прынцэса Ізабэла Генрыета Інгрыд Маргрэтэ. Яна была ахрышчана 1 ліпеня 2007 года ў царкве палаца Фрэнсборг. 8 студзеня 2011 года ў прынца і прынцэсы нарадзіліся яшчэ хлопчык і дзяўчынка — прынц Вінцэнт Фрэдэрык Мінік Аляксандр і прынцэса Жазэфіна Сафія Івала Мацільда.

Зноскі

1. dánský korunní princ Frederik, // The Fine Art Archive — 2003.

   <a href='https://wikidata.org/wiki/Track:Q10855166'></a>
2. Lundy D. R. Frederik André Henrik Christian, Crown Prince of Denmark // The Peerage

   <a href='https://wikidata.org/wiki/Track:Q67129259'></a><a href='https://wikidata.org/wiki/Track:Q21401824'></a>
3. The Royal House Праверана 28 верасня 2022.
4. Lundy D. R. The Peerage

   <a href='https://wikidata.org/wiki/Track:Q67129259'></a><a href='https://wikidata.org/wiki/Track:Q21401824'></a>
5. Catalog of the German National Library Праверана 27 снежня 2024.

   <a href='https://wikidata.org/wiki/Track:Q23833686'></a>
6. https://web.archive.org/web/20240111115220/https://www.kongehuset.dk/den-kongelige-familie/h-k-h-kronprinsen#uddannelse
7. https://www.fmn.dk/da/nyheder/2024/hans-majestat-kong-frederik-10.-udnavnt-til-admiral-og-firestjernet-general/