Фёдар Пятровіч Сянько

У Вікіпедыі ёсць артыкулы пра іншых людзей з прозвішчам Сянько.

Фё́дар Пятро́віч Сянько́ (6 красавіка 1936, в. Казлякевічы, Баранавіцкі павет, Навагрудскае ваяводства, Польшча — 23 красавіка 2020) — савецкі і беларускі дзяржаўны і гаспадарчы дзеяч, намеснік Старшыні Савета Міністраў БССР (1990—1991), Намеснік Прэм’ер-міністра СССР (1991). Герой Сацыялістычнай Працы (1971). Лаўрэат Дзяржаўнай прэміі СССР (1971). Член КПСС з 1958 года.

Фёдар Пятровіч Сянько
Намеснік Старшыні Савета Міністраў СССР 28 сакавіка 1991 — 28 жніўня 1991
Прэзідэнт	Міхаіл Гарбачоў
Кіраўнік урада	Валянцін Паўлаў
Намеснік Старшыні Савета Міністраў БССР 16 ліпеня 1990 — 28 сакавіка 1991
Кіраўнік урада	Вячаслаў Кебіч
Міністр сельскай гаспадаркі БССР 20 сакавіка 1979 — 25 лістапада 1985
Кіраўнік урада	Аляксандр Аксёнаў Уладзімір Бровікаў
Папярэднік	Віктар Казлоў
Пераемнік	Юрый Хусаінаў
Нараджэнне	6 красавіка 1936(1936-04-06) Казлякевічы, гміна Новая Мыш, Баранавіцкі павет, Навагрудскае ваяводства, Польская Рэспубліка
Смерць	23 красавіка 2020(2020-04-23) (84 гады) Масква, Расія
Месца пахавання	Траякураўскія могілкі
Партыя	КПСС (з 1953)
Адукацыя	Гродзенскі сельскагаспадарчы інстытут (1957)
Навуковая ступень	кандыдат эканамічных навук (1972)
Узнагароды

Біяграфія

Нарадзіўся 6 красавіка 1936 года ў весцы Казлякевічы Навагрудскага ваяводства (цяпер у Баранавіцкім раёне, Брэсцкая вобласць). Беларус.

• 1957—1959 — намеснік старшыні калгаса імя М. І. Калініна (Гродзенскі раён Гродзенскай вобласці).
• 1959—1972 — старшыня калгаса «Прагрэс».
• 1972—1976 — першы намеснік старшыні Гродзенскага аблвыканкама.
• 1976—1979 — першы намеснік міністра сельскай гаспадаркі БССР.
• 1979—1985 — міністр сельскай гаспадаркі БССР.
• 1985—1989 — намеснік загадчыка Аддзела сельскай гаспадаркі і харчовай прамысловасці ЦК КПСС.
• 1989—1990 — намеснік загадчыка Аграрнага аддзела ЦК КПСС.
• 1990^[1]—1991 — намеснік Старшыні Савета Міністраў Беларускай ССР — старшыня Дзяржаўнага камітэта БССР па сельскай гаспадарцы і харчаванні.
• 1991 — Намеснік Прэм’ер-міністра СССР.

Прэзідэнт ЗАТ «Агратэхналогія» (Масква).

Узнагароды і прэміі

• Герой Сацыялістычнай Працы (1971),
• ордэн Леніна (1971),
• Дзяржаўная прэмія СССР (1971) — за планіроўку і забудову сельскага пасёлка Верцялішкі,
• тры ордэны Працоўнага Чырвонага Сцяга,
• ордэн «Знак Пашаны».

Зноскі

1. Постановление Верховного Совета Республики Беларусь от 16 июля 1990 г. № 132-XII «О назначении Заместителя Председателя Совета Министров Республики Беларусь, Председателя Государственного комитета Республики Беларусь по сельскому хозяйству и продовольствию»