Халодная вайна (фільм, 2018)

У паняцця ёсць і іншыя значэнні, гл. Халодная вайна (значэнні).

«Хало́дная вайна́» (польск.: Zimna wojna) — польскі драматычны фільм 2018 года, пастаўлены рэжысёрам Паўлам Паўлікоўскім. Падзеі фільма разварочваюцца ў Польшчы, Югаславіі, Берліне і Парыжы ў перыяд халоднай вайны ў 1950-ых і 1960-ых гадах.

Халодная вайна
польск.: Zimna wojna
Жанры	драматычны фільм і рамантычны фільм[1]
Рэжысёр	Павел Паўлікоўскі
Прадзюсары	Эва Пушчыньска[d][2] Tanya Seghatchian[d][2]
Сцэнарысты	Януш Главацкі[d][3] Павел Паўлікоўскі[3] Piotr Borkowski[d][3]
У галоўных ролях	Іаанна Куліг[d] Томаш Кот[d] Жанна Балібар Седрык Кан[d] Адам Варановіч[d] Адам Ферэнцы[d] Агата Кулеша[d][4] Борыс Шыц[d][4] Адам Шышкоўскі[d][4] Aleksandra Yermak[d][4] Слаўка Собін[d][4] Krzysztof Materna[d][4]
Аператар	Лукаш Жаль[d]
Кампазітар	Марцін Масэцкі[d]
Мастак-пастаноўшчык	Katarzyna Sobańska[d]
Кінакампанія	Film4 Productions[d]
Працягласць	84 хв.
Краіны	Польшча Францыя Вялікабрытанія
Мова	польская
Год	2018
IMDb	ID 6543652
Афіцыйны сайт
Медыяфайлы на Вікісховішчы

Здымкі фільма былі распачаты ў лістападзе 2016 года і адбываліся на натуры ў Лодзі, Уроцлаве, Бялачаве і Князях. Прэм’ера фільма адбылася ў межах асноўнага конкурсу 71-га Канскага кінафестывалю, дзе фільм быў узнагароджаны прэміяй за найлепшую рэжысуру^[5] .

Паводле дадзеных агрэгатара крытычных аглядаў «Rotten Tomatoes» фільм атрымаў 93 % станоўчых рэцэнзій^[6], па версіі польскага сэрвіса «Mediakrytyk» — 97 % станоўчых водгукаў^[7].

Сюжэт

У аснове сюжэту фільма, падзеі якога адбываюцца на фоне халоднай вайны 1950-ых гадоў у Польшчы, Берліне, Югаславіі і Парыжы, гісторыя вялікага і цяжкага кахання паміж маладой танцоўшчыцай Зулай і піяністам Віктарам. Зула і Віктар — людзі рознага паходжання і надзвычай несумяшчальных характараў. З аднаго боку, яны часта не могуць знайсці агульнай мовы, з іншага — яны не могуць жыць адзін без аднаго^[8].

Акцёрскі склад

Мадс Мікельсен	–   Марцін
Іаанна Куліг[pl]	–   Зула, танцорка
Томаш Кот[pl]	–   Віктар Варскі, піяніст
Борыс Шыц[pl]	–   Лех Качмарэк
Агата Кулеша[pl]	–   Ірэна Белецка
Седрык Кан[fr]	–   Мішэль
Жанна Балібар	–   Джульета
Адам Ферэнцы[pl]	–   міністр
Адам Варановіч[pl]	–   консул
Адам Шышкоўскі	–   лагерны вартавы
Джорджа Рэйзакер	–   пісьменнік

Пракат

Прэм’ера фільма адбылася 10 мая 2018 года ў межах асноўнага конкурсу 71-га Канскага кінафестывалю, дзе фільм быў узнагароджаны прэміяй за найлепшую рэжысуру^[5]. У шырокім пракаце фільм упершыню з’явіўся ў Польшчы 8 чэрвеня таго ж года^[9]. Прэм’ера «Халоднай вайны» ў Беларусі адбылася 2 лістапада, дзе фільм стаў фільмам адкрыцця 25-га Мінскага міжнароднага кінафестывалю «Лістапад»^[10].

Узнагароды і намінацыі

Кінапрэмія / Кінафестываль	Дата і месца	Катэгорыя / Узнагарода	Намінант	Вынік	Сп.
71-ы Канскі кінафестываль	8-19.05.2018 Каны	«Залатая пальмавая галіна»	«Халодная вайна», Павел Паўлікоўскі	Намінацыя	[5]
		Найлепшы рэжысёр	Павел Паўлікоўскі	Перамога
43-і Польскі кінафестываль	17-22.09.2018 Гдыня	Залаты леў за найлепшы фільм	«Халодная вайна», Павел Паўлікоўскі	Намінацыя	[11]
31-я Еўрапейская кінапрэмія	15.12.2018 Севілья	Найлепшы еўрапейскі фільм	«Халодная вайна», Павел Паўлікоўскі	Перамога
		Найлепшы еўрапейскі рэжысёр	Павел Паўлікоўскі	Перамога
		Найлепшая еўрапейская актрыса	Іаанна Куліг	Перамога
		Найлепшы еўрапейскі акцёр	Томаш Кот	Намінацыя
		Найлепшы еўрапейскі сцэнарыст	Павел Паўлікоўскі	Перамога
		Найлепшы еўрапейскі мантажор	Яраслаў Каміньскі	Перамога