Кіраўскі сельсавет (Слуцкі раён)

Кі́раўскі сельсавет — адміністрацыйна-тэрытарыяльная адзінка ў складзе Слуцкага раёна Мінскай вобласці Беларусі. Цэнтр — вёска Кірава.

Кіраўскі сельсавет
Краіна	Беларусь
Уваходзіць у	Слуцкі раён
Уключае	12 населеных пунктаў
Адміністрацыйны цэнтр	Кірава
Дата ўтварэння	20 жніўня 1924
Насельніцтва (2019)	2 361
Код аўтам. нумароў	5

У паняцця ёсць і іншыя значэнні, гл. Кіраўскі сельсавет.

Утвораны 20 жніўня 1924 года як Цараўскі сельсавет у складзе Слуцкага раёна Слуцкай акругі БССР. Цэнтр — вёска Цараўцы. З 9 чэрвеня 1927 года ў складзе Бабруйскай акругі. Пасля скасавання акруговай сістэмы 26 ліпеня 1930 года ў Слуцкім раёне БССР. 15 лютага 1935 года цэнтр сельсавета перайменаваны ў Кірава, а сельсавет у Кіраўскі. З 21 чэрвеня 1935 года ў Слуцкім раёне Слуцкай акругі. Пасля ўвядзення абласнога падзелу 20 лютага 1938 года ў Слуцкім раёне Мінскай вобласці. 10 ліпеня 1939 года ў склад Чапялёўскага сельсавета Старобінскага раёна перададзена вёска Шабунькі^[1]. З 20 верасня 1944 года па 8 студзеня 1954 года ў складзе Бабруйскай вобласці. 16 ліпеня 1954 года да сельсавета далучана тэрыторыя скасаванага Івана-Агародніцкага сельсавета, цэнтр сельсавета перанесены ў вёску Навадворцы^[2]. 10 мая 1960 года ў склад сельсавета з Ісернскага сельсавета перададзены вёскі Іграева і Працавічы^[3]. 22 верасня 1980 года цэнтр сельсавета вернуты ў вёску Кірава. 12 мая 2020 года скасавана вёска Малая Падзер (увайшла ў склад Слуцка)^[4].

Насельніцтва сельсавета паводле перапісу 2009 года — 2653 чалавекі^[5], з іх 94,5 % — беларусы, 4,4 % — рускія^[6]; паводле перапісу 2019 года — 2361 чалавек^[7].

Зноскі

1. Указ Президиума Верховного Совета БССР от 10 июля 1939 г. О присоединении деревни Шабуньки Кировского сельсовета, Слуцкого района, к Чепелёвскому сельсовету, Старобинского района, Минской области // Сборник законов Белорусской ССР и указов Президиума Верховного Совета Белорусской ССР: 1938-1955 гг. — Мн.: Изд. Президиума Верхов. Совета БССР, 1956. — 347с.
2. Указ Президиума Верховного Совета БССР от 16 июля 1954 г. Об объединении сельских советов Минской области // Сборник законов Белорусской ССР и указов Президиума Верховного Совета Белорусской ССР: 1938-1955 гг. — Мн.: Изд. Президиума Верхов. Совета БССР, 1956. — 347с.
3. Рашэнне выканкома Мінскага абласнога Савета дэпутатаў працоўных ад 10 мая 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 16.
4. Решение Слуцкого районного Совета депутатов от 12 мая 2020 г. № 114 Об упразднении деревни Малая Падерь Кировского сельсовета Слуцкого района Архівавана 27 кастрычніка 2020.
5. Колькасць насельніцтва населеных пунктаў Мінскай вобласці Беларусі паводле перапісу 2009 года
6. Этнічны склад насельніцтва сельсаветаў Беларусі паводле перапісу 2009 года
7. Колькасць насельніцтва населеных пунктаў Мінскай вобласці Беларусі паводле перапісу 2019 года